Å senda dokument med e-post utgjer ein større risiko for at personsensitive opplysingar kan koma på avveie og kan også stoppast i spamfilter. Ved å nytta tenesta e-Dialog, kan du senda inn dokument via ein sikker kanal.
Me oppmodar både privatpersonar og verksemder til å bruka eDialog til å senda dokument til oss på ein trygg måte.
Når treng du ikkje å nytta eDialog?
- Dersom Stord kommune har eigne søknadsskjema til formålet, for eksempel søknad om helse- og omsorgstenester, parkeringsløyve for rørslehemma, ledig stilling m.m. Til skjemaoversikt
- Dersom du har enkle spørsmål som kan besvarast via e-post. Sentralt postmottak: post@stord.kommune.no
- Dersom du berre har dokumenta i papirformat, og heller foretrekker å senda dei per post. Postadressa vår er: Stord kommune, Postboks 304, 5402 Stord.
Rett mottakar
Send sikker digital post til Stord kommune
Send sikker digital post til barnevernstenesta i Stord, Fitjar og Bømlo - Vedlegg MÅ vera i pdf
Send bekymringsmelding til barneverntenesta - Vedlegg MÅ vera i pdf
Send bekymringsmelding til barneverntenesta (Bekymringsmelding for offentleg tilsette og fagpersonar med meldeplikt) - Vedlegg MÅ vera i pdf
Send sikker digital post til PPT
Korleis bruka eDialog?
- Klikk på ein av knappane ovanfor
- Logg inn ved hjelp av ID-porten (MinID, BankID el.l.)
- Skriv inn i skjemaet og legg ved dokument
Slik fyller du ut skjemaet
- Obligatoriske felt er merka med * (rød stjerne).
- Vel om du er privatperson (fødselsnummer) eller om du representerer ei verksemd (organisasjonsnummer).
- Tittel: Kva gjeld henvendinga? Skriv gjerne saksnummer.
- Kommentar: Her kan du skriva inn teksten din.
- Du kan laste opp vedlegg. Dei fleste format kan brukast, men dokument som skal sendast til PPT eller barnevernstjenesten må vera i pdf-format.
- Klikk på "Send". Sendinga vert kryptert og sendt direkte til oss. Du får kvittering med referansenummer på e-post eller sms.
Slik kan du gjera om ein dokument til PDF-format:
- For Word-dokument vel du "Lagre som" og deretter filtype PDF
- LibreOffice og OpenOffice har eigen knapp på verktøylina som heiter "Eksporter til PDF".
Tilgjengelegheitserklæring for eDialog
Tilgjengelegheitserklæring for bekymringsmelding til barnevernet