Legeteneste og legevakt

Legekontora

Legekontora skal nyttast på dagtid ved akutte tilstandar, og  ved behov for hjelp der ein kan venta på seinare avtale. Oversikt over legekontor finn du til høgre på denne sida.

Beredskap og legevakt

Stord og Fitjar kommunar samarbeider om beredskapsvakt i legetenesta utanom opningstidene på legekontora.I tillegg har me legevaktkontor med faste opningstider for akutt hjelp.

I opningstida er legevaktkontoret bemanna med sjukepleiar. Vaktlegen har heimevakt og kjem etter avtale. Kontoret må kontaktast for timeavtale. Slik kan ein koma tidleg til, eller få redusert ventetida på kontoret.

Opningstider ved legevaktkontoret

Kvardagar: 15-22
Laurdag: 11-18
Søndag: 10-20 (gjeld også høgtidsdagar som fell på ein søndag)
Andre høgtidsdagar: 11-18
Julaftan: 10-17

I samband med feriar og helgedagar vert opningstider på legekontora annonsert i bladet  Sunnhordland og på denne nettstaden. Slik informasjon vert då å finna på framsida av denne nettstaden.

Telefonar

Medisinsk naudtelefon

Ring 113 ved livstrugande sjukdom og større ulukker. Naudtelefonen er open heile døgeret.

Legevaktsentralen

Tlf. 53 41 63 00 (Stord sjukehus). Her skal ein få svar heile døgeret.

Legevaktkontoret

Tlf. 53 41 63 00 i opningstida.
Legevakta held til ved hovudinngangen på Stord Sjukehus (kart) 

Turistar – leigearbeidarar – studentar

Me rår alle som mellombels oppheld seg på Stord, til å kontakta legekontora i kommunen dersom dei treng legehjelp. Legevakta er likevel open for unntaksvis å hjelpa utover det som er vår primæroppgåve, om kapasiteten ved legekontora ikkje strekkjer til.

Om du ikkje er nøgd med legevakta

Me har som mål at folk skal kjenna seg trygge på at dei får den hjelpa dei treng, og at me møter alle med respekt og forståing.

Skulle du av ulike grunnar ikkje vera nøgd med legevakta på Stord, vil me oppmuntra deg til å ta dette opp direkte med legevakta. Me har system for å handsama skriftlege klager og ynskjer å nytta klager som grunnlag for å verta betre.