Helsestasjon (0-5 år)

Tenesta er eit tilbod om:

• barnevaksinasjonar
• helseundersøkingar
• førebyggjande psykososialt arbeid
• opplysningsverksemd
• heimebesøk
• samarbeid om habilitering av born med spesielle behov

Vaksinasjonar følgjer nasjonalt vaksinasjonsprogram.
Helsestasjonen kan også gi tilbod om foreldrerettleiing, t.d. om søvnproblem, samspelproblem og åtferdsproblem hos born.

Kven møter du på helsestasjonen? 

På helsestasjonen jobbar lege, helsesøster, assistent og jordmor. I tillegg kan du treffe fysioterapeut og tannpleiar etter spesiell avtale. Me prøver å skape optimal tryggleik og kontinuitet, m.a. gjennom bruk av fast helsesøster/helsestasjonslege for kvart buområde. 

Målsetjing  

Å førebyggja medfødte og erverva sjukdomar.

• Alle foreldre som ventar barn, eller som har spedbarn eller småbarn opp til skulealder, er velkomne til Helsestasjonen.  
  
  Ein treng ikkje ha "spesielle" problem eller vanskar for å ta kontakt med helsestasjonen. Me vil gjerne ha kontakt med alle barnefamiliar, og ser gjerne at dei som ikkje allereie har kontakt med oss, tek kontakt.
  
• Gravide (sjå svangerskapsomsorg).

Helsestasjon 0-5 år er gratis. Det er frivillig å nytte tenestetilbod v/helsestasjonen. Stord (Leirvik), Sagvåg og Nordbygda helsestasjon yter tenester til bebuarar som soknar til det aktuelle buområde. Berre unntaktsvis, og etter avtale, kan alternativ helsestasjon nyttast.

Alle tenester ved helsestasjonen byggjer på låg terskel (det skal vere lett å få kontakt med oss). Me driv førebyggjing, ikkje behandling (behandling er fastlegen si oppgåve). Er du i tvil, ta kontakt. 

Om tinging av time

Det er timetinging for faste kontrollar ved helsestasjonane. Me set stor pris på at du avbestiller timen dersom du og barnet ikkje kan møta.

Lov om kommunale helse- og omsorgstjenester m.m § 3-2

Lov om pasient- og brukerrettigheter kap. 7

Forskrift om kommunens helsefremmende og forebyggende arbeid i helsestasjons- og skolehelsetjenesten

Når du har født eit barn, vil helsestasjonen ta kontakt med deg og avtale tid for enten heimebesøk eller oppfølging på helsestasjonen. Kontakten blir oppretta på bakgrunn av fødselsmelding. Du vil få innkalling til vaksinasjonar og regelmessige kontrollar av barnet.

• Dersom du meiner du ikkje mottek nødvendig helsehjelp frå kommunen, kan du etter kommunehelsetenestelova påklage dette til kommunen og deretter til Helsetilsynet i fylket.
• Klaga skal sendast til den instansen som har gjort vedtaket.
• I klaga skal du oppgi kva du ønskjer endra i vedtaket og grunngi det. Kommunen vil hjelpe til med å skrive klaga.
• Klageinstans er Helsetilsynet i fylket. Før klaga blir send dit, skal den instansen i kommunen som fatta vedtaket, vurdere om det er grunn til å endre det. Dersom vedtaket står ved lag, vil saka bli send til Helsetilsynet i fylket  for klagebehandling.
• Som mottakar av helsetenester kan du etter pasientrettlova også klage til Helsetilsynet på sjølve utføringa av tenesta. Klaga skal først sendast kommunen eller direkte til tjenesteytaren, slik at saka om mogleg kan løysast på lågaste nivå.

Pris:
Tenesta er gratis.