Strandpromenade i Leirvik Hamn

Stord Hamnestell har sett igong eit prøveprosjekt for å laga til ein strandpromenade i Leirvik Hamn. Strandpromenaden skal i første omgang vera open no i sommarmånadane.
For å få dette til har Hamnestellet flytta parkeringsplassane i Evjo og på Ventekaien, og etter kvart som desse områda vart bilfrie sett opp granittsteinar og blomekassar.

Strandpromenaden
Steinane og blomekassane vert satt opp for å markera strandpromenaden som no vil gå frå Storddøra på Moloen og til ytst på Nattrutekaien. Det er og mogleg å gå vidare på fortau heilt til  Kyrkjeberget. 

Sitjeplassar
Det vert om litt sett opp benkar langsmed promenaden ved Ventekaien. Desse benkane er utlånt frå Handballfestivalen til Hamnestellet. 

Hamnestellet vonar at alle kommunen sine innbyggjarar, Hamnestellet sine brukarar og tilreisande gjester vil nytta seg av og ha glede av strandpromenaden no i sommar.


Foto: Marianne Kolstø