Universell utforming i Stord kommune

Prosjektleiar 

Astrid Larsen

Tlf. 53 49 66 95 / 975 52 231

astrid.larsen@stord.kommune.no 

Ressursgruppe: Medlemmar i ressursgruppa

Stord er ressurskommune

Universell utforming tyder at produkt, tenester og omgjevnadar skal utformast på ein slik måte at dei kan nyttast av alle menneske, i så stor utstrekning som mogleg, utan behov for tilpassing eller spesiell utforming. 

Som ressurskommune skal Stord medverka til å:

• Verkeleggjera nasjonale mål i regjeringa sin handlingsplan Norge universelt utformet 2025
• Gjennomføra handlingsplanen sitt tiltak K1 Nasjonalt utviklingsprosjekt i fylkeskommuner og kommuner*.
• Utnytta og formidla røynsle som er nedfelt i m.a. rapporten Universell utforming som kommunal strategi – Erfaringer og resultat fra pilotkommunesatsingen 2005-2008 og røynsle som vert hausta i ressurskommunane sitt vidare arbeid innan feltet.

*Tiltak K1 Nasjonalt utviklingsprosjekt i fylkeskommunar og kommunar

Universell utforming vert utvikla som strategi i kommunal og regional planlegging og forvalting. Tiltaket inkluderer ressurskommunar, pilotfylke og nye pilotkommunar. Alle fylke og 25% av kommunane bør aktivt med innan 2015.

Ressurskommunane skal m.a. bidra til å oppfylle fylgjande mål innanfor K1:

• Kommunane skal arbeide for at alle kommunesentra i Noreg vert universelt utforma.
• Alle kommunar har friluftsområde for allmenn bruk som er universelt utforma.
• Alle kommunar bør ha vedteke kommuneplan med retningsliner og vedtekter for universell utforming innan 2015
• Universell utforming bør vere eit integrert prinsipp i alle regionale planar innan 2015.
• Alle fylke og 25% av kommunane bør delta aktivt i nasjonalt utviklingsprosjekt for universell utforming med kommune og fylkesretta satsing innan 2014.
• Alle kommunar bør ha delteke aktivt i rettleiing om ny plan og bygningslov innan 2010.

Visjon

Stord kommune er eit samfunn for alle. Stord kommune inspirerer i ord og gjerningar andre til å jobba med universell utforming. For å nå målet om eit likestilt og universelt utforma samfunn er det naudsynt med omtanke og innsats på alle nivå i samfunnet. Det er viktig å tenkja ”føre var” prinsippet, med god planlegging ved etablering av nye bustadområde, næringsbygg, samt ved renovering av gater/plassar og bygg.