Planprogram for detaljregulering for ny ferjekai, infrastruktur, molo og hamn - gbnr 39/31 - Djupevika - PlanID 202503

Kommunestyret fatta i møte den 07.05.2026 følgjande vedtak:

«Stord kommune vedtar planprogram for detaljregulering for ny ferjekai, infrastruktur, molo og hamn - gbnr 39/31 - Djupevika - PlanID 202503, jf. Plan- og bygningslova § 12-9.

Kommunestyret vil ta stilling til oppstart av vidare planarbeid når rapport for igangsett teknisk forprosjekt og finansieringsanalyse vert lagt fram».

Føremålet med reguleringsplanen er å regulera ny ferjekai i Djupevika for å erstatte dagens ferjekai på Skjersholmane, for sambandet som går mot Kvinnherad. Ein viktig del av planarbeidet vil vera å avklare infrastruktur fram til eksisterande E39. I tillegg skal det bli regulert inn nytt hamneområde og kai til cruiseskip.

Planprogrammet var på offentleg ettersyn i perioden 23.09.- 07.11.2025. Det kom inn 22 merknader, der 8 av merknadane kom frå offentlege styresmakter og 14 merknader kom frå private bedrifter og privatpersoner. Det er komen inn fleire merknader som er kritiske til verknadane av planlagde tiltak på privat eigedom, både i høve til støy og forureining og i tillegg til foringing av eigedomsverdi. Frå offentlege styresmakter har statsforvalter vist til at dette bør avklarast i kommuneplanens arealdel før det evt vert utarbeida ein reguleringsplan. Statens vegvesen har peika på at det må gjennomførast trafikkanalyser som ein del av planarbeidet. Vestlandet fylkeskommune og Bergen sjøfartsmuseum har varsla at det er trong for synfaring og marinarkeologiske undersøkingar.

Planprogram og gjennomgang av innkomne merknader, i tillegg til andre dokument, er å finne på arealplaner.no Lenke til et annet nettsted..