Melding om oppstart og høyring av planprogram for kommunedelplan veg

Utval for plan og utvikling vedtok i møte 20.04.2023 sak PS 7/23 at forslag til planprogram for kommunedelplan for hovudplan veg, vert sendt på høyring og vert lagt ut til offentleg ettersyn i 6 veker, i medhald til plan- og bygningsloven § 11-12 og § 11-13. Det vert samstundes varsla om oppstart av planarbeidet.

Hovudplan veg gjeld tema veg, og vil bli utarbeida med tilhøyrande handlingsplan for at kommunen skal kunne arbeida målretta, strategisk og prioritera rett.

Plan- og bygningslova § 4-1 krev at det skal utarbeidast eit planprogram for alle kommune(del)planar. Planprogrammet skal gjere greie for føremålet med planarbeidet, planprosessen med fristar og deltakarar, opplegget for medverknad, spesielt i forhold til grupper som antas å bli særleg råka, kva alternativ som vil bli vurdert og behovet for utgreiing. Planprogrammet skal avklara kva planlegginga skal handle om og korleis den skal gjennomførast. Det vil seie konkretisering av mål, behov for utgreiingar og ein plan for involvering og medverknad frå ålmenta, innbyggarar, lag, organisasjonar og høyringsinstansar. Planprogrammet skal bidra til ein meir føreseieleg og effektiv planprosess.