Om Skogatufto barnehage

Skogatufto barnehage er delt inn i to team og vidare delt inn i avdelingar.

• På "team Tufto" er 3-5 åringane fordelt på avdelingane Haugen og Flato.
• På "team Skogen" er 1-2 åringane fordelt på avdelingane Marihøno og Kråkereiret.

Avdelingane er i utgangspunkt sett saman aldershomogent. Med bakgrunn i tal barn innafor kvart årskull, kan det førekoma at ulike aldrar er saman på ei avdeling.

Barnehagen har eigen el-sykkel som me jamleg nyttar for å ta barn med oss på tur, gjerne litt lenger vekk frå barnehagen. I tillegg til tur-opplevinga og moglegheitane sykkelen gjev, er den eit godt hjelpemiddel for vårt arbeid med inkludering. Her kan alle barn vere med, uansett alder og funksjon. Felles opplevingar undervegs og tett kontakt mellom den vaksne og barna, gjev gode høve til samtalar og refleksjonar. 

I Skogatufto barnehage serverast all mat, frukt og mjølk av barnehagen, mot kostpengar Lenke til et annet nettsted.. Måltid førebuast som hovudregel saman med barna som del av våre faste aktivitetar. Telle opp tallerkenar og anna utstyr, vaske bord, dekke på og finna fram mat, er god kvardagspedagogikk. Ikkje minst, er måltida ein eigna arena for å sikre inkludering av alle barn.

Måltida

Måltida i barnehagen leggast til rette for, etter retningslinjer Lenke til et annet nettsted. utarbeida av Helsedirektoratet. Slik gjer me det hos oss:

• Cirka klokka 8.30: frukost på avdelingane
• Cirka klokka 11.30: lunsj på avdelingane
• Cirka klokka 14.00: frukt/grønt, gjerne med tilbod om knekkebrød eller anna om barn syner behov for det

For dei yngste barna, tilpassast måltid og søvn etter behov ved oppstart.

Med jamne mellomrom lagast det varme måltid på avdelingane, nokre gangar bakast det. Dette er aktivitetar som barna tek del i og som rommar mykje læring med tanke på språk, tall, mengd og form. Oppskriftene som nyttast, er teke frå Helsedirektoratet sitt Bra mat i barnehagen Lenke til et annet nettsted. og Matjungelen Lenke til et annet nettsted.

Meny

Det er laga felles meny for dei varme måltida. Denne er å finne på avdelingane sine sider i MyKid. 

Me jobbar for å halde forbruk av sukker nede og nyttar alternativ når me bakar og lagar mat. Ut frå retningslinjer. Til bursdagar, tilbydast smootie eller fruktsalat/fruktanretning.

Det serverast grovt brød, med knekkebrød som alternativ. Graut av havregryn eller andre grove kornsortar, nyttast med jamne mellomrom. Det serverast mjølk og vatn til måltida.

Har barn allergi, legg me til rette for dette, så lenge det er i samrå med lege. Det vert teke omsyn til behov ut i frå religion, innafor våre rammer.

Ønskjer du ikkje å gjere degnytte av barnehagen sitt tilbod om mat? Du kan reservere deg mot dette og leverer då mat, frukt/grønsaker og drikke til barnet ditt. 

Viser vidare til vedtekter for kommunale barnehagar Lenke til et annet nettsted, åpnes i nytt vindu. for presisering kring mattilbod.

Personale som jobbar i Skogatufto barnehage har høg fagleg kompetanse og erfaring. Alle fast tilsette er utdanna barnehagelærarar, barne- og ungdomsarbeidarar eller har anna relevant pedagogisk utdanning. Me har eit breidt tverrfagleg samarbeid med andre instansar for å saman med foreldre/føresette kunne legge til rette for ei best moleg utvikling for barna.

Barnehagen har fokus på jamleg kompetanseheving av eigne tilsette. Vidareutdanningar og lærande nettverk er jamt over innslag for deler av personale. I tillegg jobbar me kontinuerleg med å auka kompetansen i form av å tileigne oss kunnskap basert på nyare forskning relatert opp mot eigen praksis. Me jobbar gjerne med utgangspunkt i Udir (Utdanningsdirektoratet) sine program og deira opplegg for kompetanse som er særleg tilpassa barnehagar.

Ved at Skogatufto barnehage er ein aktiv bidragsytar til utdanning av fagpersonell til barnehagane, er me i kontinuerleg samarbeid med blant anna HVL (Høgskulen på Vestlandet). Med dette er dei tilsette hos oss jamleg i kontakt med det siste innan barnehageforsking og utvikling på fagfeltet. Dette i tillegg til den kompetanseheving som jamleg finn stad for dei tilsette. 

Som ein av Stord kommune sine barnehagar har Skogatufto barnehage årleg lærling innanfor barne- og ungdomsarbeidarfaget. Lærlingane har, stort sett, gått to år på Fitjar vidaregåande skule for så å gå i lære eit å i barnehage og eit år i grunnskule. Lærlingane er under jamleg vegleiing av fagutdanna instruktør i barnehagen og tek del i det daglege arbeidet i møte med både barn og foreldre.

Me er stolt av at Skogatufto barnehage har fast samarbeid med Stord sjukeheim og Knutsaåsen omsorgssenter. Samarbeidet er kalla "Livsmestring, helse og glede på tvers av generasjonar- eit samarbeid inn i framtida". Barn og tilsette frå barnehagen går jamleg på besøk til dei to institusjonane. Besøka vil innehalde litt song, litt spel, teikning ulike leikar og anna som kan engasjere både ung og eldre. Barnehagen har høve til å disponere uteområde knytt til både omsorgssenter og sjukeheim med dei fasiliteter og element dei har å by på.

Desember 2019 vann barnehagen saman med sjukeheimen, omsorgssenteret og folkehelsekoordinator prisen for innovasjon og nytenking for samarbeidet.

Barnehagen har eigen el-sykkel som me jamleg nyttar for å ta barn med oss på tur, gjerne litt lenger vekk frå barnehagen. I tillegg til tur-opplevinga og moglegheitane sykkelen gjev, er den eit godt hjelpemiddel for vårt arbeid med inkludering. Her kan alle barn vere med, uansett alder og funksjon. Felles opplevingar undervegs og tett kontakt mellom den vaksne og barna, gjev gode høve til samtalar og refleksjonar.