Hopp til innholdet

Barn og unge

Hovudbiblioteket har eiga avdeling med skjønn- og faglitteratur for barn opp til 13 år.

Barneavdelinga er eit hyggeleg rom å vera i for barna og deira føresette. Vi har delt inn bøkene i avdelinga slik at ein lett finn bøker til den alderen barnet er i. Her kan barna også teikna, leika med lego, togbana, eller kosa seg i lesehjulet vårt med ei god bok.

Bok & bolle - høgtlesing for barn 4-7 år

Velkomen til høgtlesing av ei bildebok for barn i biblioteket! Opplesninga passar aller best for barn mellom 4-7 år.

  • 12. september
  • 3. oktober
  • 7. november - FALTURILTU
  • 5. desember

Billettar til små og store kan du reservera på stord.kulturhus.no/kulturprogram/ Lenke til et annet nettsted, åpnes i nytt vindu.. Me oppmodar om å møte seinast 10 min før arrangementstart. Gratis bolle til barna.

 

Lesedigg-klubben

Likar du å lesa? Og går du i 4.-7. trinn? No kan du bli med i Lesedigg-klubben på biblioteket! Håpar du kjem og ta gjerne med ein venn. Ope for alle!

  • 1. september
  • 13. oktober
  • 3. november
  • 1. desember

 

Lesesona: 8.-10. trinn

Velkomne til infomøte om Lesesona (fortsettelse på Lesedigg-klubben) - 27. august kl. 14.30!

Lesesona er for deg som går på ungdomsskulen, som har lyst til å snakka om det du les og bli inspirert til å lesa meir. Infomøtet er med bibliotekar Runa, og deg som lurer på om du vil vera med. Me snakkar saman om kva me vil få ut av Lesesona og blir litt kjende. Alle får smoothie!

Det er låg terskel for å vera med utover hausten, men me vil gjerne ha påmelding til infomøtet. Send mail til bibliotek@stord.kommune.no.

Lesesona blir fire torsdagar i haust, kl. 14.30-15.30:

  • 17. september
  • 15. oktober
  • 19. november
  • 10. desember

 

Musikkleik 0-1

Velkomen til Musikkleik på Stord bibliotek! Musikkleik 0-1 er eit tilbod for barn frå 0 til 1 år. Kulturskulen tilrår at barna er minst 2 månader når dei startar.

Kl. 11:00

  • 8. og 22. september
  • 14. og 28. oktober
  • 17. og 25. november
  • 1. og 15. desember

Musikalsk samvær skapar rom for meiningsfulle augeblikk og gode opplevingar. Mor, far eller andre omsorgspersoner si stemme og kropp i rytmisk aktivitet, song og leik, skapar tryggleik og glede hos små barn. Songen styrkar det nære og viktige samspelet mellom foreldre og barn.

Bånsuller ved leggetid roar ned både vaksne og barn. Musikk kan også skape glede og liv, eller gi stadfesting på vanskelige kjensler hos barnet.

Gratis og ope for alle.

Sommarlesfest med Captain Frodos Magiske Sirkus!

Velkommen til Sommarlesfest med Captain Frodos Magiske Sirkus 29. august kl. 14.00!

Bli med på ei morosam og magisk framsyning for heile familien! Det blir trylling, sirkuskunstar, masse latter og spennande publikumsdeltaking. Sirkusdirektøren er verdsartisten Captain Frodo, kjend frå både Cirque du Soleil i Las Vegas og Sirkus Jesper i Dyreparken. Han viser korleis fantasi kan gjera det umoglege mogleg, og oppmodar barna til å tru på eigne draumar.

Framsyninga er gratis, men du må hente ut billett på førehand her Lenke til et annet nettsted, åpnes i nytt vindu.. Gjer dykk klare for ei fartsfylt sirkusoppleving!

 

Les med meg! - tøynettbibliotek

Tøynett, utstilling, Les med meg!

Lån med deg eit tøynett med bildebøker! 

  • Dei med LILLA tråd har bildebøker for 1-2 åringar
  • Dei med GRØN tråd er bildebøker for 3-5 åringar

Slik låner du:

Lån ut med strekkoden attmed tråden. Alle bøker oppi er registrert på tøynettet.

Barnehagebibliotek

Barnehagebiblioteket frå Stord bibliotek er ei ordning der barnehagen kan få ei kasse bøker til kvar avdeling levert av biblioteket kvar tredje månad. Vi både leverer og hentar. 

Bøkene er utstyrt med eit nummer, og foreldra kan difor låna frå kassene ved å notera nummeret på boka og barnet sitt namn på ein plakat. Ved levering stryk ein berre over nummeret igjen og legg boka attende i kassa.

Pr. mai 2025 har me 12 barnehagar med i denne ordninga. Vil barnehagen din gjerne vera med, er det berre å ta kontakt med oss på biblioteket!

Bøkene kjem i kasser av 25 bøker til avdelingar for dei eldste barna, og 20 bøker for avdelingar med yngre barn. Bøkene er plukka ut av barne- og ungdomsbibliotekaren vår.

Klassebesøk

Skuleklassar er velkomne til biblioteket etter avtale. Vi tar gjerne imot klassar på besøk i biblioteket. Barne- og ungdomsbibliotekaren vår har tilpassa opplegg til kvart skuletrinn.

Ta gjerne kontakt med oss og høyr kva vi kan tilby klassen din.

Klassar som ønskjer formidling eller anna opplegg på biblioteket må ta kontakt med oss på førehand og avtala tid. Send e-post til bibliotek@stord.kommune.no

Utlån til skular og barnehagar

Biblioteket gjev tilbod om utlån for kortare eller lengre tid til skular og barnehagar.

For barnehagar kan det vera aktuelt å låna bokkasser med biletbøker for lesing og høgtlesing. For skulane kan det vera aktuelt å låna bøker i samband med lesestimuleringsprosjekt eller emneopplegg.

Både skular og barnehagar kan nytta institusjonslånekort. Det er då den einskilde barnehage eller skule som står ansvarleg for låna, og ikkje den einskilde barnehagetilsette eller lærar.

Ver venleg å gje biblioteket melding minst ei veke på førehand om du ønskjer å låna ei bokkasse.

Kontakt Camilla Ruhs: camilla.ruhs@stord.kommune.no 

Sist oppdatert

Fant du det du var på jakt etter?