Váidda Siviilaáittardeaddjái
Oanehisát
Stuoradiggi nammada Siviilaáittardeaddji vai son gozihivččii almmolaš hálddašeami. Dábálaš borgárin sáhtát don váidalit Siviilaáittardeaddjái jus oaivvildat ahte hálddahus lea bargan boastut.
Válddahus
Stuoradiggi nammada Siviilaáittardeaddji vai son gozihivččii almmolaš hálddašeami. Dábálaš borgárin sáhtát don váidalit Siviilaáittardeaddjái jus oaivvildat ahte hálddahus lea bargan boastut.
Hálddahusain oaivvilduvvo sihke stáda, suohkana ja fylkasuohkana eisseváldi. Váidalit sáhttá
- jus áššemeannudannjuolggadusat rihkkojuvvot omd. go ii oaččo vástádusa dahje hilljánis áššemeannudeapmi
- jus hálddahus lea mearridan juoidá maid don oaivvildat lea boastut
Kritearrat
Jus lea dahkkon mearrádus du áššis, de galgá mearrádusreivves leat mielde diehtu das movt sáhtát váidit bajit hálddahusorgánii guhte sáhttá dárkkistit ášši mearrádusa. Fertet álggos leat geahččalan dán vejolašvuođa váldalit ovdalgo sáhtát váidalit Siviilaáittardeaddjái.
Bálvalusa haddi
Lea nuvttá váidalit Siviilaáittardeaddjái.
Searvai brošyrat, duokumeanttat, kártat ja sullasaččat
Njuolggadusat
Lágat
Praktihkalaš dieđut
Rávvagat - mo oažžut dahje váldit vuostá bálvalusa
Váidalus galgá leat čálalaš ja vuolláičállojuvvon. Sáhtát atnit dábálaš reivve, dahje váidalusskovi (geahča njuolggogeainnu Ohcanskovi vuolde). Lea dehálaš ahte čilget makkár hálddahusorgánii (suohkan, direktoráhtta, departemeanta dahje eará) dát guoská. Lea maid dehálaš ahte čilget makkár boasttuvuođaid don oaivvildat hálddahusa dahkan. Jus lea okta konkrehta mearrádus maid don oaivvildat lea boastut dáhkkon, de berret dieđihit dan dáhtona goas mearrádus dahkkui, ja áinnas bidjat mielde máŋgosa das. Jus dárbbahat veahki čállit váidalusa, de sáhtát váldit oktavuođa Siviilaáittardeaddji kantuvrrain ja lihtodit singuin, juogo bagadallama telefovnna bokte dahje ahte manat sin luhtte. Áigemearri váidalit Siviilaáittardeaddjái lea jahki. Áigemearri rehkenasto dan rájes go hálddahus lea loahpalaš mearrádusa dahkan dahje dan rájes go váidalus gusto. Váidalus sáddejuvvo: Sivilombudsmannen, Postboks 3 Sentrum, 0101 Oslo.
Mielddusat
Buot dokumeanttat maid jáhkat sáhttet čuvget ášši. Ii leat dárbu ohcat buot áššebáhpiriid. Jus Siviilaáittardeaddji váldá ášši meannudeapmái, de vižžojuvvojit buot dokumeanttat hálddahusas.
Ášši meannudeapmi
Okta áššemeannudeaddji geahččá álggos váidalusa ja árvvoštallá galgá go Siviilaáittardeaddji gieđahallat ášši. Jus lea vuođđu dasa, de bivdojuvvo dat hálddahusorgána maid don váidalat, čilget ášši dárkileappot. Dus lea de vejolaš buktit oainnuidat áššái. Loahpas de Siviilaáittardeaddji buktá ieža oainnu áššis. Dábálaččat hálddahusat čuovvolit Siviilaáittardeaddji oainnu, muhto dat eai leat lága bokte geatnegasat dan dahkat.
Meannudeamiaigi
Jus du váidalusa ii sáhte gieđahallat, de oaččut dan birra dieđu guovtti vahku sisa. Ádjána gaskal njeallje ja logi vahku árvvoštallat lea go vuođđu gieđahallat du ášši dan hálddahusorgánas gosa gullá. Dan rájes oažžu hálddahusorgána njeallje vahku vástidanáiggi. Man guhká ádjána válmmastit ášši, boahtá das man váttis ášši lea ja man vuđolaš guorahallamiidda lea dárbu.
2015 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 25.11.2015
Sist oppdatert