Innsatsteam

Innsatsteamet er ein del av tildelingskontoret og består av tre sjukepleiarar.

Dei skal leggja til rette for at ferdigbehandla pasientar på sjukehus kan takast i mot av kommunen.

Innsatsteamet samarbeider tett med pårørande, sjukehus, kommunal ergo- og fysioterapeut, fastlege, velferdsteknologi, heimebaserte tenester og psykisk helse og rus.

Målgruppe

Tenesta er for deg som har behov for oppfølging i samband med utskriving frå sjukehus.

Innsatsteamet skal følgja opp dei brukarane som er nye for Stord kommune og som ikkje treng meir oppfølging enn 1–2 gongar per veke i inntil 2 veker etter sjukehusopphald, med mål om å avgrensa eller unngå helsetenester.

Retteleiing - korleis få utført eller motta tenesta

Rutine er at Innsatsteamet opprettar kontakt med brukaren på sjukehuset for kartlegging før heimreise. Ved behov blir det oppretta kontakt med pårørande for kartlegging av bustad. Målet med dette er å oppnå gode pasientforløp.