Torsdag 7. mai signerte kommunestyret, ved ordførar Sigbjørn Framnes, Fritidserklæring for Stord kommune. Erklæringa slår fast at alle barn og unge i Stord skal ha høve til å delta i minst éin organisert fritidsaktivitet, uavhengig av familien sin økonomiske eller sosiale situasjon. 

Fritidserklæringa er ein intensjonsavtale mellom kommunen og frivilligheita, og byggjer på FN sin barnekonvensjon. Målet er å leggja til rette for samarbeid mellom kommunen, lag og organisasjonar, slik at fleire barn og unge kan ta del i trygge og inkluderande fritidsfellesskap.

Arbeidet med erklæringa har vore i tett dialog med frivillig lag og organisasjonar, ungdomsrådet og Råd for menneske med nedsett funksjonsevne. Frivilligheita har vald ut nokre organisasjonar, avtalepartar, som skal følgja opp arbeidet med å realisera måla i Fritidserklæringa.

Organisasjonar som er avtalepartar er: Stord frivilligsentral, Stord Fitjar Turlag, Internasjonal kulturklubb, Stord Røde Kors, Stord musikkråd, Stord idrettsråd, Stord næringsråd, Råd for menneske med nedsett funksjonsevne, Stord ungdomsråd, Stord kommune v/kommunedirektør, Stord kommunestyre v/ordførar.

Fritidserklæringa er gjeldande frå 7. mai 2026.

Du kan lesa Fritidserklæringa ved å trykka på denne Lenke til et annet nettsted, åpnes i nytt vindu. lenkja.