Vatn - eigenberedskapsveka

Visste du at styret i bustadselskap kan etablere felles eigenberedskapslager?
Til dømes kan ein lagre drikkevatn i kjellaren eller andre fellesareal.

Slik lagrar du drikkevatn for éi veke

Ved bortfall av vatn frå springen, treng du vatn til både drikke, matlaging og hygiene. For å dekke minimumsbehovet i éi veke, bør du lagre om lag 20 liter vatn per person.

Du kan bruke:

• Vatn frå butikken – flasker eller dunkar.
• Vatn frå springen – fyll sjølv i reine behaldarar.

Slik gjer du det steg for steg

1. Reingjering av behaldarar

• Vask flasker eller dunkar med såpe og vatn, og skyl godt.
• Fyll med vatn og tilsett 2 korkar klorin per 10 liter vatn.
• La stå i minst 30 minutt, tøm ut og skyl godt.

2. Fylling

• Fyll behaldarane heilt fulle med kaldt vatn frå springen.

3. Lagring

• Oppbevar vatnet på ein mørk og kjøleg stad, utan direkte sollys.
• Reint vatn i reine behaldarar kan lagrast i fleire år.

 Tips for lagring i heimen
- Bruk fleire små dunkar – dei er lettare å plassere enn store.
- Lagre under kjøkkenbenken, i skap eller andre ledige plassar.
- Bur du i bustad med fellesareal? Spør styret om moglegheit for felles lager.

Hugs: Jus, brus og andre alkoholfrie drikker kan også bidra til væskebehovet