Dagrehabilitering

Dagrehabilitering er eit tverrfaglig rehabiliteringstilbod som er lokalisert ved Stord Kommunale Rehabiliteringssenter.

Korleis er eit rehabiliteringsopphald i dagrehabilitering?

Dagrehabilitering er eit tidsavgrensa og målretta tilbod for personar som har hatt eit brått eller gradvis funksjonsfall. Tilbodet er for deg som har behov for intensiv rehabilitering i tilrettelagde trenings- og terapilokale, og som treng oppfølging frå fleire faggrupper for å nå dine mål.

Kven passar tilbodet for?

Søkar må ha behov for:

systematisk og målretta trening
tverrfagleg oppfølging
aktiv deltaking i rehabiliteringa

Motivasjon for trening er viktig for å ha nytte av dagrehabilitering.

Mål for rehabiliteringa

Opphaldet tek utgangspunkt i spørsmålet «Kva er viktig for deg?».
Saman med deg avklarer me eitt eller fleire mål, til dømes:

betre balanse og fallførebygging
betre gangfunksjon
vedlikehalde eller auke funksjon i eldre år
gjenvinne funksjon etter sjukdom eller skade
fokus på ernæring og tryggleik
meistre kvardagen heime
gjenopprette eller styrke sosialt nettverk
språktrening eller betre stemmestyrke

Tilbod i dagrehabilitering

Individuelt opphald

Måndag, onsdag og fredag i fire veker
Tilpassa deg som har hatt eit brått funksjonsfall, sjukdom eller har behov for tett individuell oppfølging
Tverrfagleg oppfølging frå fysioterapeut, ergoterapeut og helsefagarbeidar
Samarbeid med logoped kan etablerast ved behov
(merk: krev henvisning frå fastlege i forkant av opphaldet)

Gruppetilbod

Tysdag og torsdag i seks veker
For deg som kan delta i gruppebasert trening
Fokus på styrke og balanse for å vere trygg og mest mogleg sjølvstendig i kvardagen
Oppfølging av fysioterapeut

Aktiv deltaking

For å oppnå best mogleg resultat må du delta aktivt og samarbeide i treninga. Rehabiliteringa skjer i samspel mellom deg og fagpersonane.

Følg oss på sosiale media for informasjon, råd og tips:

Facebook - Aktivitet og re/habilitering Stord kommune Lenke til et annet nettsted.

Instagram - aktivitetogrehabilitering Lenke til et annet nettsted.

Praktisk informasjon før eit opphald

Transport

Du må kome deg til Stord rehabiliteringssenter på eiga hand. Dersom du fell innafor kriteria kan me revirera pasientreiser.

Eigenbetaling

Eigenbetaling for dagrehabilitering dekkjer måltid og vert fakturert etter gjeldande satsar i Kommunale avgifter og gebyr.
Sjå satsane under Prisar lenger nede på sida.

Klede og utstyr

Møt i klede og sko som passar til trening
Ta ikkje med eigedelar av stor verdi
- NB: Kommunen forsikrar ikkje private eigedelar

Ta med hjelpemiddel du nyttar i kvardagen, til dømes:
- rullator
- rullestol
- høyreapparat eller andre hjelpemiddel

Dagsrytme individuelt tilbod

Oppmøte: 09:00
Frokost: 09:00–09:30
Aktivitet/trening: 09:30–11:30 (fysio, ergo, logoped, personale på avdeling)
Pause: 11:30–12:00
Aktivitet/trening: 12:00–13:00 (personale på avdeling)
Middag: 13:00
Heimreise: 13:30

Dagsrytme gruppetilbod

Oppmøte: 10:00
Aktivitet/trening: 10:15–11:00 (personale på avdeling)
Pause: 11:00–12:00 (frukt, yoghurt, kaffi – lett servering)
Gruppetrening: 12:15–13:00 (fysioterapeut)
Middag: 13:00
Heimreise: 13:30

Korleis søkje plass

Du kan søkje via søknadsskjema lenger nede på sida under “Skjema”.
Du kan henvende deg via dei tenester du allereie har td Heimebaserte tenester, kommunal fysio- eller ergoterapi, eller du kan ta direkte kontakt med avdelinga.
Kvar henvending vil verta vurdert opp i mot om ein fyller kriteria for å vera mottakar av tenesta. Alle henvendingar vert prioritert etter ein prioriteringsnøkkel.

Teieplikt: Dei tilsette har teieplikt om personopplysningar.

Kontakt oss

Telefonnummer direkte til avdelinga: 90 27 33 65

Avdelingsleiar - Bente Bjelland: 41 18 19 01

Einingsleiar: Kristin Steinsland

Prioriteringsnøkkel

Prioriteringsnøkkel individuelt tilbod

Prioritering

Eksempel

Max. ventetid

Prioritet 1:
Personar med brått funksjonsfall

Desse må vurderast for behov for forlenging av opphald.

Personar som treng intensiv rehabilitering etter sjukdom/skade. T.d. hjerneslag og brot.

6 veker

Prioritet 2:
Personar med gradvis funksjonsfall

Som hovudregel vert ikkje desse tilbudt forlenga opphald.

Personar som pga sjukdom/skade har fått gradvis funksjonsfall. Har auka behov for hjelp i heimen, og kan utsette /redusere behov for helseteneste i heimen.

Nye brukarar av tenestene vert prioritert over kjende der ein elles stiller likt. Ukjende brukarar treng meir omfattande kartlegging.

12 veker

Prioritet 3:
Personar med varig nedsett funksjonsnivå/kroniske lidingar i stabil fase

Som hovudregel vert ikkje desse tilbudt forlenga opphald.

Personar som har behov for eit opphald på dagrehabilitering 1 gang i året for å få eit løft, slik at dei kan vedlikehalde dei funksjonane som trengs for å kunne bu heime.

52 veker

Prioriteringsnøkkel gruppetilbod

Prioritering

Eksempel

Ventetid

Prioritet 1:
Personar med funksjonsfall

Nye brukarar av tenestene

Brått funksjonsfall med behov for intensiv styrke- og balansetrening i gruppe t.d etter akutt sjukdom eller skade.

Brukarar som ikkje har vert på Dagrehabilitering før og treng eit fysisk løft.

12 veker

Prioritet 2:
Personar som treng eit løft for å kunne bu lengst mogleg heime med så låg grad av hjelp som mogleg.

Personar som har behov for eit opphald på dagrehabilitering 1 gang i året for å få eit løft, slik at dei kan vedlikehalde dei funksjonane som trengs for å kunne bu heime.

52 veker

Priser