Skulefritidsordning (SFO)
SFO er eit frivillig aktivitets- og omsorgstilbod før og etter skuletid for elevar på 1.–4. trinn og for elevar med særskilte behov på 5.–7. trinn.
Du kan søkja om tilbod for barnet ditt i SFO på den skulen barnet er elev.
I tillegg kan du søkja om SFO på skulefrie dagar og sommar-SFO. Dette tilbodet er samlokalisert på ein av skulane i kommunen. Tilbodet er per i dag på Hystad skule.
Opningstider
Kommunen har ordinært SFO-tilbod før og etter skuletid for 1.-4. trinn og for barn med særlege behov på 1.-7. trinn. Opningstida er kl. 6:45-16:15 (måndag-fredag). Tilbodet fylgjer skuleåret.
SFO-ordningane er stengde helge- og høgtidsdagar, samt jul- og nyttårsaftan. Onsdag før skjærtorsdag er SFO open til kl. 12:00.
SFO er stengde på planleggingsdagar
I tillegg til ordinært SFO-tilbod gir kommunen tilbod om SFO på undervisningsfrie dagar. Oversyn over SFO på undervisningsfrie dagar finn ein under SFO på skulefeiredagar. Sommar-SFO er eit tilbod i juni og i august, sjå under sommar SFO for datoar.
Søk SFO-tilbod eller endra SFO-tilbod
Søknadsfrist og opptaksperiode
Kommunen har eit hovudopptak for alle SFO-tilbod med søknadsfrist 1. mars, og deretter opptak ved ledig kapasitet.
Elevar som har ordinært SFO tilbod, beheld tilbodet til og med 4. trinn, eller til tilbodet vert sagt opp. Ein treng ikkje søkja kvart år.
Tilbod om SFO på skulefriedagar og sommar-SFO vert gitt for eitt år om gongen. Ein må derfor søkja på nytt kvart år.
Slik søkjer du
Du søkjer om SFO-tilbod og endring i SFO-tilbod via Visma Flyt Skole. Lenkje til innlogging finn du her: Innlogging for stord: Foresattportal Lenke til et annet nettsted.
Om du ikkje kan søkja elektronisk, ta kontakt med skulen der elev er skriven inn.
SFO på skulefrie dagar
Om du skal søka om tilbod om SFO på skulefriedagar og sommar-SFO må du søka om det innan 1. mars. Bruk skjema lenger nede på sida.
Skuleåret 2025/2026
| Månad | Dato | Kva skjer i skule | Tal dagar | Kor |
|---|---|---|---|---|
| August | 11. til 12.8. | Elevfrie dagar / Planleggingsdagar | 2 | Rommetveit skule |
| Oktober | 6. til 10.10. | Haustferie | 5 | Rommetveit skule |
| November | 7.11 | Elevfri dag / Planleggingsdag | 1 | Rommetveit skule |
| Desember | 22, 23, 29, 30.12 | Juleferie | 4 | Rommetveit skule |
| Januar | 2.1 | Elevfri dag / Planleggingsdag | 1 | Rommetveit skule |
| Februar | 23.2 til 27.2. | Vinterferie | 5 | Rommetveit skule |
| Mars | 30. til 31.3 | Påskeferie | 2 | Rommetveit skule |
| April | 1. (halvdag) | Påskeferie | 0,5 | Rommetveit skule |
| Mai | 15.5 | Elevfri dag | 1 | Rommetveit skule |
Skuleåret 2026/2027
Månad | Dato | Kva skjer i skule | Tal dagar | Kor |
Oktober | 5. til 9.10. | Haustferie | 5 | Rommetveit skule |
Desember | 21, 22, 23, 28, 29 og 30.12 | Juleferie | 6 | Rommetveit skule |
Februar | 15.2 til 19.2. | Vinterferie | 5 | Rommetveit skule |
Mars | 22 og 23.3 | Påskeferie | 2 | Rommetveit skule |
Mars | 24.3 (halv dag) | Påskeferie | 0,5 | Rommetveit skule |
Mai | 7.5 | Elevfri dag | 1 | Rommetveit skule |
Sommar SFO
Om du skal søka om tilbod om SFO på skulefriedagar og sommar-SFO må du søka om det. Bruk skjema lenger nede på sida.
Månad | Dato | Kva skjer i skule | Tal dagar | Kor |
Juni | 22. til 30.6. | Sommarferie | 7 | Rommetveit skule |
August | 3. til 7.8. | Sommarferie | 5 | Rommetveit skule |
Juni 2027 | 21. til 30.6 | Sommarferie | 8 | Rommetveit skule |
Prioritet ved opptak
- Elevar på 1. og 2. trinn
- Elevar med særskilte behov
- Elevar på 3. og 4. trinn
Sakshandsamingstid
Kommunen skal behandle saka så snart som mogleg. Dersom saka ikkje kan avgjerast innan éin månad, skal du ha skriftleg melding om grunnen til det. Du skal samstundes få opplyst når ein ventar at vedtaket blir gjort.
Rektor har mynde til å fatta vedtak om opptak i ordinær SFO ved sin skule og til SFO på undervisningsfrie dagar og sommar-SFO. Den kommunale klagenemnda er klageinstans.
Oppseiing
Føresette kan seia opp eller endra SFO-tilbodet med minst to månaders varsel rekna frå den 1. i påfølgjande månad. Døme: Seier du opp SFO-tilbodet 15. desember, vil du ha tilbod og betalingsplikt ut februar. Frå og med mars har du ikkje tilbod og betalingsplikt.
Det må betalast for opphald i oppseiingstida, også for unytta tilbod. Dette gjeld òg tilbodet om sommar-SFO, og/eller SFO på skulefrie dagar.
Gå til Visma Flyt Skole for å seia opp tilbod. Lenkje til innlogging finn du her: Innlogging for stord: Foresattportal Lenke til et annet nettsted.
Høve til å klaga
Får du avslag på søknaden, kan du klage til kommunen innan ein frist på tre veker frå du tok imot det. Forklar kva du er misnøgd med og kvifor du meiner at vedtaket bør endrast. Treng du rettleiing, kan du vende deg til kommunen. Dersom kommunen lèt vedtaket stå, blir saka send vidare til klagenemnda i kommunen, som avgjer om klagen skal takast til følgje.
Kontakt
Rektor eller SFO-leiar ved den skulen eleven er innskriven.
Priser
SFO 4. trinn
| Type tilbod | Kroner |
|---|---|
| 100 % plass eks. leksehjelp | 3 651*** |
| 80 % plass eks. leksehjelp | 3 017*** |
| 60 % plass eks. leksehjelp | 2 296*** |
| 50 % plass eks. leksehjelp | 1 978*** |
| Full plass skulefrie dagar (Rommetveit SFO) | 4 146*** |
| Full plass sommarope juni 2026 (Rommetveit SFO) | 2 563*** |
| Full plass sommarope august 2026 (Rommetveit SFO) | 1 707*** |
*I satsane er det gjort fråtrekk for 12 timar gratis SFO.
**Gratis kjernetid vert gitt rett etter skuleslutt med 2,5 timar måndag til torsdag og 2 timar på fredag.
*** i samband med revidering av forskrift om vedtekter for kommunal skulefritidsordning (SFO) blir det nye plasstypar frå hausten 2026 innført
Barn på 1. til 4. trinn har rett til inntektsgradert foreldrebetaling. Det vil seia at ingen familiar skal betala meir enn 6% av brutto årsinntekt per born.
Frå hausten 2026 gjeld desse prisane | |
|---|---|
Etter skuleslutt | Kr 3017 |
Før og etter skuleslutt | Kr 3651 |
Før skulestart | Kr 1978 |
SFO 1. til 3. trinn
| Type tilbod | Kroner |
|---|---|
| Gratis kjernetid | 0 |
| Gratis kjernetid utvida med morgon-SFO | 1 290*** |
| Gratis kjernetid utvida med ettermiddags-SFO | 590*** |
| Gratis kjernetid utvida med morgon- og ettermiddags-SFO | 1 880*** |
| Full plass skulefrie dagar (Rommetveit SFO) | 3 592*** |
| Full plass sumarope juni 2026, Rommetveit SFO | 1 915*** |
| Full plass sumarope august 2026, Rommetveit SFO | 1 275*** |
*I satsane er det gjort fråtrekk for 12 timar gratis SFO.
**Gratis kjernetid vert gitt rett etter skuleslutt med 2,5 timar måndag til torsdag og 2 timar på fredag.
*** i samband med revidering av forskrift om vedtekter for kommunal skulefritidsordning (SFO) blir det nye plasstypar frå hausten 2026 innført
Barn på 1. til 4. trinn har rett til inntektsgradert foreldrebetaling. Det vil seia at ingen familiar skal betala meir enn 6% av brutto årsinntekt per born.
Sist oppdatert