Hopp til innholdet

Ássandoarjja

Oanehisát

Ássandoarjaga sáhtát ohcat jus du bearrašis leat unnán sisaboađut ja valjit ássangolut.

Válddahus

Ássandoarjaga sáhtát ohcat jus du bearrašis leat unnán sisaboađut ja valjit ássangolut. Leat sisaboađut ja ássangolut oktiibuot mat mearrida lea go dus riekti oažžut ássandoarjaga. Lea biddjon mearri man olu sáhtát dinet jus galggat oažžut ássandoarjaga. Sisaboađu meari gávnnat dás Lenke til et annet nettsted..

Kritearrat

Buohkat badjel 18 jagi sáhttet ohcat ássandoarjaga earret studeanttat ja sii geat leat vuosttašgeardebálvalusas militearas. Sáhtát goitge ohcat jus

  • Leat studeanta ja eai leat mánát ja oahppu lea oassi almmolaš doaibmabijuin mat leat bargguide heivehuvvon.
  • Leat vuollel 18 ja lea(t) alddát mánná/mánát
Orrunsadji galgá leat dohkkehuvvon miehtá jagi orrunsadjin. Ii sáhte leat astoáigeásodat. Das galgá maid leat sierra olgouksa ja galgá maid leat basadanlatnja/hivsset ja vejolaš vuoiŋŋastit ja ráhkadit borramuša. Jus orut searveássanviesus ja leat ožžon ásodaga suohkanis, de sáhtát aŋkke ohcat.

Searvai brošyrat, duokumeanttat, kártat ja sullasaččat

Ovttasbargoveahkkit

Viessobáŋku ja suohkan ovttasbargaba ássandoarjaga ektui. Suohkan doallá oktavuođa ohcciiguin.

Njuolggadusat

Viessobáŋku/suohkan lea geatnegas doalahit dán bálvalusa.

Lágat

Láhkaásahusat

Praktihkalaš dieđut

Rávvagat - mo oažžut dahje váldit vuostá bálvalusa

Sáhtát ohcat ássandoarjaga elektrovnnalaččat dahje báberhámis. Jus ozat báberhámis, de sáddet dan suohkanii. Váldde oktavuođa suohkaniin jus leat gažaldagat dahje dárbbašat veahki.

Ášši meannudeapmi

Suohkan vuostáiváldá ohcama juogo elektrovnnalaš dahje báberhámis, ja kvalitehtasihkkarastá dieđuid. Go meannudišgohtet ohcama, de vižžet dieđuid almmolaš ásahusain nugo omd. Álbmotregistaris, Vearroetáhtas ja Nav:s. Viessobáŋku mearrida formálalaččat juolludeami. Jus dutnje vuos juolluduvvo doarjja de it dárbbat juohke mánu ohcat ođđasis. Jus du dilis mihkkege rievdá de fertet dieđihit dán birra suohkanii. Galggat dakkaviđe dieđihit:

  • Jus sisaboahtu dahje opmodat lassána dahje njiedjá sakka
  • Jus fárret ođđa orrunsadjái (dalle ferte ođđasis ohcat)
  • Jus okta dahje eambbogat fárrejit sisa dahje eret viesus
  • Jus ássangolut rivdet
  • Jus okta ássiin gártá studeantan
Jus it dieđit rievdadusaid birra, de sáhttá badjelmeare máksojuvvon doarjja gáibiduvvot máksot ruovttoluotta. Sáhttá ráŋggáštuvvot jus vearu dahjege váilevaš dieđuid addá.

2013 rájes automáhtalaččat dárkkistišgohtet sisaboađuid mat leat leamaš vuođđun go rehkenastet ássandoarjaga.

Nuppenváidahanvuoigatvuohta

Jus oaivvildat ahte juoga lea boastut mearrádusas, sáhtát váidit mearrádusa golmma vahku sisa dan rájes go leat ožžon mearrádusa. Váidaga sáddet suohkanii. Muitte fal dieđihit nama, riegádannummára, ja man birra ášši lea. Čilge mii du mielas lea boastut ja manne oaivvildat ahte mearrádusa ferte rievdadit. Galggat vuolláičállit váidaga ja bidjat mielde áššáigullevaš dieđuid. Suohkan sáhttá veahkehit du čállit váidaga. Viessobáŋku meannuda ášši 2-6 vahku sisa ja sádde dutnje mearrádusa. Jus eai dohkket du váidaga, sáhtát bivdit ahte ášši meannuduvvo Viessobáŋkku sorjjasmeahttun váiddalávdegottis. Jus áiggut ohcat ássandoarjaga daid čuovvovaš mánuid ovddas, de fertet ođđa ohcama sáddet suohkanii.


2020 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 04.05.2020

Sist oppdatert

Fann du det du leita etter?