Doarjja čázehuhttimii – ohcan
Oanehisát
Ulbmil čázehuhttimiin dahje rábarokkiid goaivumiin lea buoridit kvalitehta ovdalaččas goivojuvvon dahje drenerejuvvon eanandoalloeatnamiin.
Válddahus
Ulbmil čázehuhttimiin dahje rábarokkiid goaivumiin lea árvvohis čázi golggahit eret ja nu buoridit kvalitehta ovdalaččas goivojuvvon eanandoalloeatnamiin – vai buorránivččii sihke šaddu ja biras.
Bures čázehuhtton eanan lea dehálaš jus galgá leat buorre šaddu. Stuora oassi Norgga gilvvaeatnamiin lea beare hejot čázehuhtton ja goivojuvvon. Dát mielddisbuktá heittot šaddoeavttuid šattuide ja dávjá maid váttis šaddorádjama. Boađusin lea unnit šaddu heajut kvalitehtain. Hejot goivojuvvon eanan dagaha riska billistit eatnama ja manahit biepmusávdnasiid čáziide ja ahte klimagássaid luitojuvvojit áibmui.
Doarjja ii sáhte addot jus goaivun mielddisbuktá
- ahte earáid opmodat dahje luondu billahuvvá sakka
- ahte šaddá várra sakka dulvat ja nuoskkidit čáziid
- ahte sáhttá billistit iešalddes ráfáidahttojuvvon kulturmuittuid
Ulbmiljoavku
Eananeaiggát dahje fitnodat guhte láigoha eanandoalloeatnama mii ovdal lea goivojuvvon, ja masa dárbbaša ođđasis goaivut rávarokki dahje čázehuhttit.
Ovttasbargoveahkkit
Kulturmuitoeisseválddit (Fylkkasuohkana ja Sámedikki kulturmuitohálddašeaddji) galget addit cealkámuša go roggandoaibma sáhttá guoskat beroštumiide mat leat sin fágasuorggi siskkobealde.
Njuolggadusat
Láhkaásahusat
Praktihkalaš dieđut
Rávvagat - mo oažžut dahje váldit vuostá bálvalusa
Go ozat doarjaga, de ferte geavahit skovi maid Eanandoallodirektoráhtta (Landbruksdirektoratet) lea ráhkadan (vuolábealde lea njuolggogeaidnu dasa). Juolluduvvon doarjja máksojuvvo go duođaštat ahte eanan lea goivojuvvon. Goaivun ferte čađahuvvot golmma jagi sisa dan rájes go doarjja juolluduvvo.
Nuppenváidahanvuoigatvuohta
Suohkan dahje gielda meannuda ohcamuša. Jus it leat duhtavaš mearrádusain, sáhtát váidit suohkanii ovdal áigemeari, namalassii golmma vahku sisa, dan rájes go oaččut mearrádusa. Čilge mainna leat duhtatmeahttun ja manne oaivvildat ahte mearrádusa galgá rievdadit. Jus dárbbašat bagadallama, sáhtát váldit oktavuođa suohkaniin. Jus suohkan doalaha iežas mearrádusa, de sáhtát váidit viidáset Fylkkamánnii.
2020 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 11.05.2020
Sist oppdatert