Gealbudahttinprográmma
Oanehisát
Gealbudahttinprográmma lea dutnje gii it nákce leat barggus, muhto ii leat medisiinnalaš diagnosa mii attálii rievtti oadjoruđaide.
Válddahus
Gealbudahttinprográmma lea dutnje gii it nákce leat barggus, muhto ii leat medisiinnalaš diagnosa mii attálii rievtti oadjoruđaide. Prográmma ráhkaduvvo ovttasráđiid dutnje. Prográmma galgá sisttisdoallat doaibmabijuid mat oččodit olbmo bargui, muhto sáhttá maid sisttisdoallat eará doaibmabijuid. Sáhttá biddjot áigi medisiinnalaš dálkkodeapmái, hárjehallamii, ja iežas doaimmaide prográmma áigodagas. Prográmma galgá leat birra jagi doaibma ja olles áiggis. Dan botta go leat dán prográmmas, de oaččut gealbudahttindoarjaga. Dus lea riekti oažžut sierra plána.
Ulbmiljoavku
Olbmot geat dárbbahit guhkit áiggi badjel lagas ja heivehuvvon čuovvoleami vai sáhttet álgit bargui.
Kritearrat
Don leat bargoagis, lea hui vuollegis bargo- ja dienasnákca ja oaččut unnán dahje it veaháge oadjoruđaid birgejupmái álbmotoadjolága mielde ja bargomárkanlága mielde.
Searvai brošyrat, duokumeanttat, kártat ja sullasaččat
Dieđuid gealbudahttinprográmma birra gávnnat njuolggogeainnus dás vuolábealde. Sáhtát maid váldit oktavuođa Nav-kantuvrrain.Ovttasbargoveahkkit
Nav-kantuvrras barget ovttas vai gávnnaše dutnje ollislaš ja oktagaslaš heivehuvvon čovdosiid. Oasseváldit galget oažžut lagas ja heivehuvvon veahki. Danne bargetge ovttas ealáhusaiguin, dearvvašvuođasurggiin, eaktodáhtolaš organisašuvnnaiguin jna. Ovttasbargoguoimmit leat dan mielde mii prográmmas lea sisdoallun.
Njuolggadusat
Gealbudahttin prográmma lea láhkageatnegas riekti.Lágat
Praktihkalaš dieđut
Ášši meannudeapmi
Nav-kantuvra galgá sohkkarastit ahte du ášši lea bajásčuvgejuvvon nu bires go vejolaš vai sáhttá mearridit dan. Galgá konkrehta oktagaslaš árvvoštallan dáhkkot das makkár dieđuid dárbbašit vai sáhttet meannudit ášši ja movt dát galget duođaštuvvot. Dieđuid galget viežžat, nu guhkás go vejolaš, ovttasráđiid dutnje. Ohcamuš galgá árvvoštallojuvvot oktagaslaččat, ja sihke mieđiheapmi ja biehttaleapmi galgá ákkastallojuvvon mearrádusas. Gealbudahttinprográmma galgá álggahuvvot maŋemustá guhtta mánu maŋŋel go don leat sádden ohcamuša. Ovdal álggaheami galget čađahit geatnegahtton bargonákcaárvvoštallama.
Meannudeamiaigi
Nav galgá meannudit ášši nu jođánit go vejolaš. Jus eai sáhte meannudit ášši mánu sisa, de galggat oažžut čálalaš dieđu aktan ákkastallamiin dan birra. Galggat seammás oažžut dieđu goas doivot mearridit du ášši.
Nuppenváidahanvuoigatvuohta
Jus it leat duhtavaš mearrádusain, de sáhtát váidit NAV:ii áigemearis mii lea golbma vahku dan rájes go ožžot mearrádusa. Čilge mainna leat duhtameahttun ja movt don oaivvildat ahte mearrádus galgá rievdaduvvot. NAV-kantuvra galgá bagadallat sin geat dárbbašit veahki čállit váidaga. Jus NAV doala mearrádusas, de sáddejuvvon ášši viidáset Fylkkamánnii, gii de mearrida galgá go váidda váldot vuhtii.
2020 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 06.05.2020
Sist oppdatert