Introduksjonsprogram for innvandrarar

Kort fortalt

Introduksjonsprogrammet er ein startpakke til deg som nyleg er blitt busett i ein kommune. Når du har gjennomført programmet skal du ha fått opplæring og kompetanse som gjer at du kan søkje jobb og bli økonomisk sjølvstendig.

Beskrivelse

Kompetansekartlegging Anten rett før eller rett etter at du har blitt busett vil kommunen kartleggje kva du har av språkkunnskapar, utdanning, arbeidserfaring eller annan kompetanse som kan vere relevant. Karrierevegleidning Etter kartlegging av kompetanse, vil fylkeskommunen gi deg karrierevegleidning og sørgje for at introduksjonsprogrammet blir tilpassa deg og behova dine. Integreringsplan og kontrakt I samarbeid med deg vil kommunen lage ein plan som blant anna inneheld måla, lengda og yrkesplanane dine. Samtidig skriv du ein kontrakt med kommunen. Kontrakten forpliktar deg til å følgje måla og programmet. Introduksjonsprogrammet Når du startar programmet, vil kommunen saman med deg setje eit mål for kva du skal ha oppnått når programmet er slutt. Dersom du har vidaregåande utdanning, vil sluttmålet vere å kvalifisere til høgare utdanning. Dersom du er under 25 år og ikkje har vidaregåande skule frå før, vil sluttmålet vere å fullføre vidaregåande skule. Du kjem til å lære:

• Norsk
• Samfunnskunnskap
• Livsmeistring i eit nytt land
• Anna som er relevant for arbeid eller utdanning
• Foreldreveiledning dersom du har barn.

Målgruppe

• Du er innvandrar og er mellom 18 og 55 år
• Du har fått opphaldsløyve
• Du er anten busett i ein kommune eller ventar på å bli busett.

Kriterier

Det finst forskjellige typar opphaldsløyve. Introduksjonsprogrammet er for deg som:

• Har opphaldsløyve som flyktning eller overføringsflyktning
• Har ein søknad om vern og dermed eit fornybart opphaldsløyve
• Har avgrensa opphaldsløyve grunna for eksempel ein familiesituasjon
• Har opphaldsløyve på grunn av vernebehov for ei heil gruppe
• Har opphaldsløyve fordi du er i familie med ein som har vore busett i mindre enn fem år
• Har fått fornybar opphaldsløyve på grunn av samlivsbrot og samlivet var prega av mishandling.

Tilknyttede brosjyrer, dokumenter, kart og lignende

• Imdi om integreringsloven Lenke til et annet nettsted, åpnes i nytt vindu.

Regelverk

Lover

• Forvaltningsloven Lenke til et annet nettsted, åpnes i nytt vindu.
• Integreringsloven Lenke til et annet nettsted, åpnes i nytt vindu.

Forskrifter

• Integreringsforskriften Lenke til et annet nettsted, åpnes i nytt vindu.

Praktiske opplysninger

Saksbehandling

Kommunen skal sørgje for oppstart av introduksjonsprogrammet så snart som mogeleg, og seinast innan 3 månader etter busetjing. Du vil få eit deltakarprov når programmet er ferdig. Blir programmet avbrote av ein eller annan grunn, vil du framleis få deltakarprovet.

Klagemulighet

Du kan klage på vedtak om

• løyving eller avslag på deltaking
• introduksjonsstønaden
• vesentlege endringar i integreringsplanen
• at programmet blir stansa
• at programmet blir forlengt
• godkjenning av permisjon
• søknad om fritak.

2021 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 05.01.2021