Pårørande ved demenssjukdom

Medviten bruk av fargar kan gjere det enklare å finne fram. Fargar kan bidra til å framheve gjenstandar. Kontrastar får du ved å bruke fargar med ulik fargetone. Vel gjerne kontrastfargar på utstyr og gjenstandar, til dømes møblar, lampar, kjøkenutstyr, handkle, sengetøy og utstyr på badet.

• Sørg for fargekontrastar mellom servise og duk/brikke
• Vel kjøkenutstyr med fargar
• Framhev lysbrytarar med farga teip rundt brytaren
• Vel møblar med fargar i kontrast til golv og vegg
• Unngå sterke mønster, fordi du kan misforstå det du faktisk ser
• Bruk eit farga toalettsete i kontrast til golv og vegg
• Mal dørene i kontrastfarge til veggen for å synleggjere dei viktigaste romma

Eldre treng meir lys enn yngre, og lysbehovet aukar med åra. God grunnbelysning og punktbelysning er viktig. La lyset stå på i rom du nyttar når du er vaken. Godt lys kan bidra til at du held fram med aktivitetar du likar, og kan også førebyggje ulykker og fall. Dagslys frå vindauge gjer det lettare å følgje med på vêret og døgnrytmen. Nok dagslys gir betre nattesøvn.

• Sjekk at brillene er reine og har rett styrke
• Trekk frå gardinene på dagtid
• Sørg for nok lys i rommet og der du utfører aktivitetar
• Sørg for at det er enkelt å finne stikkontakt og lysbrytar (merk med farga teip)
• Bruk gjerne fjernstyring på lampar
• Bruk sensor som slår lys av og på automatisk

Svekt høyrsel er ein del av den normale aldringsprosessen. Det er lettare å halde fram med ein aktivitet når merksemda ikkje blir forstyrra av andre lydar. Forstyrrande lydar kan opplevast som støy. Det er enklare å delta i samtalar og oppfatte kva andre seier når det er roleg rundt deg. Be personar snakke mot deg, og be dei gjenta dersom du ikkje forstår.

• Sjekk høyrsel og behov for høyreapparat
• Kontroller jamleg at høyreapparata verkar og om batteria må bytast
• Reduser støy. Unngå at musikk, radio og TV står på samstundes

Hjelpemiddel, velferdsteknologi og tilrettelegging av bustad kan gjere kvardagen tryggare, og du kan unngå brann og ulykker. Snakk gjerne med familien eller helsepersonell i kommunen om korleis du kan førebyggje uheldige og farlege situasjonar i heimen din.

• Sjekk røykvarslarar, og skaff brannalarm og vasslekkasjestoppar
• Skaff tidsur og komfyrvakt til elektriske apparat
• Skaff tryggleiksalarm
• Skaff støttehandtak, rekkverk og sklisikring til trapper og golv
• Bruk termostat for å regulere temperaturen inne
• Sørg for å ha ei dørlås som er enkel å opne og lukke
• Gjer gjerne vegen frå senga til toalettet tryggare med nattlys
• Ha telefonnummer til ambulanse (113), brannvesen (110) og politi (112) lett tilgjengeleg ved fasttelefonen eller lagra på mobiltelefonen din

Det gir meining å treffe vener og familie og halde fram med kjende aktivitetar. Praktiske kvardagsprodukt, digital teknologi og ulike program (appar) for mobiltelefon og nettbrett kan vere til hjelp i heimen. Mykje finst i vanlege butikkar, men noko kan òg søkjast på (mellom anna digital kalender). Du kan skaffe deg hjelpemiddel for å halde orden på tida, hugse avtalar, meistre oppgåver heime og oppretthalde kontakt med dei nærmaste.

• Monter ei tavle for beskjedar og avtalar
• Skaff kalender og klokke med tydeleg tid og dato
• Skaff ein telefon som er tilpassa dine behov
• Skaff ein enkel fjernkontroll til TV og merk viktige knappar
• Kjøp ein radio med enkle knappar og still inn på kanalane du likar

Andre tips og ideer til endringer du kan gjera heima:

Det er utarbeidd ei liste med forslag til endringar du kan gjere i ulike rom. Ved å gjennomføre nokre forandringar kan det bidra til at heimen din blir meir demensvennleg.

• Gjennomfør nokre endringar om gongen for å sjå om det fungerer
• Prøv deg fram og sjå kva som passar for deg og familien din
• Sjekk lista og kryss av for dei endringane som er aktuelle heime hos deg
• Treng du hjelp, spør familie, venner eller helsepersonell i kommunen

Kjøkken:

• Rydd i skap og skuffer og fjern det du ikkje treng
• Legg reiskapar og servise godt synleg når dei blir brukte ofte
• Vel farga kjøkenutstyr
• Bruk gjennomsiktige behaldarar til oppbevaring av mat og gjenstandar
• Bruk kontrastfargar på servise og duk/brikke
• Merk skuffer og skap med tekst og bilete/symbol som viser innhaldet
• Byt til skapdører med glas, slik at du ser innhaldet
• Kontakt ergoterapitenesta i kommunen for å få hjelp til å søkje komfyrvakt* og tidsur til elektriske apparat

Bad:

• Plasser toalettartiklar som blir brukte dagleg, lett tilgjengeleg. Merk gjerne artiklane
• Skaff handkle og klutar i kontrastfargar
• Bruk eit farga toalettsete som står i kontrast til toalettet, golvet og veggen
• Merk vasskrana med kvar varmt og kaldt vatn er, for eksempel med eit skilt ved krana
• Merk toalettdøra slik at ho blir synleg
• La lyset stå på om natta, eller bruk sensor som slår på lyset automatisk
• Bruk dusjmatte i og ved dusjen, og vurder dusjstol/dusjkrakk ved behov

Gang/entré:

• Ha berre klede og sko framme som høyrer til årstida
• Ha ein fast plass for nøklar, telefon og andre nødvendige gjenstandar
• Ha ein stol eller krakk tilgjengeleg
• Installer lys i eller utanfor skap slik at det er lett å finne klede, nøklar og utstyr
• Monter støttehandtak, rekkverk, sklisikring og lys i trappa for å unngå fall
• Mal karmar og merk dører til viktige rom

Soverom:

• Bruk farga sengetøy
• Merk skuffer og skap med kva dei inneheld
• Rydd og fjern klede, sko, møblar og gjenstandar du ikkje brukar
• Installer lys som slår seg på når du går ut av senga
• Sørg for at høgda på senga er tilpassa behovet ditt
• Fjern tepper og fest lause leidningar for å unngå fall
• Gjer vegen til toalettet tryggare med nattlys