Ovddasmorašbálká
Oanehisát
Jus dus lea erenoamáš losses ovddasmorašbargu, de sáhtát ohcat ovddasmorašbálkká.
Válddahus
Jus dus lea erenoamáš losses ovddasmorašbargu, de sáhtát ohcat ovddasmorašbálkká. Ovddasmorašbálká galgá addit dutnje vissis ruđalaš buhtadusa ovddasmorašbarggu ovddas. Suohkan mearrida oaččut go ovddasmorašbálkká ja makkár dásis dat galgá leat.
Kritearrat
Dus galgá leat erenoamáš losses ovddasmorašbargu. Ákkat mat sáhttet vuhtiiváldojuvvot, leat:
- jus barggat máŋga diimmu mánnosaččat ovddasmorašbargguin
- jus ovddasmorašbargu lea losit juogo fysalaččat dahje psyhkalaččat go dábálaččat
- jus ovddasmorašbargu mielddisbuktá olu idjabarggu dahje it bálle ija oađđit
- jus ovddasmorašbargu mielddisbuktá sosiálalaš isolašuvnna ja unnán friddjaáiggi
Searvai brošyrat, duokumeanttat, kártat ja sullasaččat
Njuolggadusat
Suohkan galgá doallat dán bálvalusa. Dat mearkkaša ahte suohkan galgá juolludit ruđa ovddasmorašbálkái bušeahtastis. Nuppi bealis de ii leat ovttasge geas lea ovddasmoraš earáide, iešalddis riekti oažžut ovddasmorašbálkká.Lágat
Praktihkalaš dieđut
Rávvagat - mo oažžut dahje váldit vuostá bálvalusa
Sáhtát váldit oktavuođa suohkaniin vai oaččut veahki ohcat ovddasmorašbálkká. Sihke fuolaheaddji ja son guhte dárbbaša ovddasmorraša ieš, sáhttá ohcat ovddasmorašbálkká.
Ášši meannudeapmi
Suohkan viežžá dárbbašlaš dieđuid vai sáhttá meannudit ášši. Dasto mearriduvvo ášši. Dábálaččat oaččut maid ákkastallama mearrádusa mielde. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallan ii čuovo mearrádusreivve, de sáhtát oažžut dan go válddát oktavuođa suohkaniin áigemeari siskkobealde, mii lea golbma vahkku.
Meannudeamiaigi
Suohkan galgá meannudit áššu nu jođánit go vejolaš. Jus eai sáhte meannudit ášši mánu sisa, de galggat oažžut čálalaš dieđu das manin meannudeapmi lea maŋŋánan. Galggat maid oažžut dieđu goas sáhtát vuordit ahte du ášši mearriduvvo.
Nuppenváidahanvuoigatvuohta
Sihke fuolaheaddji ja son guhte dárbbaša ovddasmorraša, sáhttiba váidit mearrádusa. Ferte golmma vahku sisa váidit. Čilge mainna it leat duhtavaš ja manin oaivvildat ahte mearrádusa galgá rievdadit. Jus dárbbašat bagadallama, de sáhtát váldit oktavuođa suohkaniin. Jus suohkan doalaha mearrádusas, de sáddejuvvo ášši viidáseappot Fylkkamánni, mii de loahpalaččat mearrida ášši.
2020 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 11.05.2020
Sist oppdatert