Meldeplikt for verksemder som kan påverke helsa

Kort fortalt

Har du ei verksemd eller ei teneste som er open for allmenta og omfattar ei form for opphaldsmoglegheit, hygiene og pleie, bad eller bruk av vatn? Då har du meldeplikt ved oppstart og eventuelle endringar.

Beskrivelse

For å sikre befolkninga mot faktorar i miljøet som kan verke negativt inn på helsa, har visse typar verksemder meldeplikt til kommunen før oppstart og ved vesentlege utvidingar eller endringar. Meldinga bør innehalde ei kortfatta oversikt over positive og negative miljøforhold som kan verke inn på helsa. Desse har meldeplikt:

• asylmottak

  
  

• hospits
• campingplassar og liknande
• undervisningslokale og andre forsamlingslokale
• verksemder som slepp ut avløpsvatn
• verksemder som har kjøletårn og liknande innretningar
• badeanlegg, inkludert boblebad, som er tilgjengeleg for allmenta
• frisør- og hudpleieverksemder

Regelverk

Lover

• Forvaltningsloven Lenke til et annet nettsted, åpnes i nytt vindu.
• Folkehelseloven Lenke til et annet nettsted, åpnes i nytt vindu.

Forskrifter

• Forskrift om hygienekrav for frisørvirksomhet m.v. Lenke til et annet nettsted, åpnes i nytt vindu.
• Forskrift om miljørettet helsevern Lenke til et annet nettsted, åpnes i nytt vindu.
• Forskrift for badeanlegg, bassengbad og badstu Lenke til et annet nettsted, åpnes i nytt vindu.

Praktiske opplysninger

Saksbehandling

Når du sender melding, inneber ikkje det at kommunen gjer eit vedtak. Men dersom meldinga avdekkjer forhold som er i strid med krava til helsesam forsvarleg drift, kan kommunen gje pålegg om konsekvensutgreiing, retting, tvangsmulkt eller stansing av verksemda. Kommunen vil utøve eit fagleg skjønn. Det må vere eit fornuftig forhold mellom nytte og kostnad ved eit pålegg.

Klagemulighet

Du kan klage på vedtak om pålegg innan ein frist på tre veker frå du tok imot det. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lèt vedtaket stå, blir saka sendt vidare til statsforvaltaren, som avgjer om klagen skal bli teken til følgje.

2021 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 09.03.2021