Doarjja orrunviesu heiveheapmái

Oanehisát

Jus dus lea dárbu erenoamážit heivehit orrunviesustat, de sáhtát ohcat suohkanis doarjaga mii gokčá buot dahje osiid dáin goluin.

Válddahus

Jus dus lea dárbu erenoamážit heivehit orrunviesustat, de sáhtát ohcat suohkanis doarjaga mii gokčá buot dahje osiid dáin goluin. Doarjja addojuvvo erenoamážit heivehit du dálá orrunviesu dahje jus galggat hukset dahje oastit orrunviesu. Lea maid vejolaš ohcat Viessobáŋkkus doarjaga prosjekteremii ja čielggadeapmái ovdagihtii.

Ulbmiljoavku

Olbmot geain leat heajos doaibmannávccat

Kritearrat

Du erenoamáš dárbbut heiveheapmái árvvoštallojuvvojit ja nu maiddái ruovttu ekonomalaš dillii.

Searvai brošyrat, duokumeanttat, kártat ja sullasaččat

• Boligtilpassing Lenke til et annet nettsted, åpnes i nytt vindu.
• Tilskudd til enkeltpersoner Lenke til et annet nettsted, åpnes i nytt vindu.
• Tilgjengelige boliger – tilpasning av eksisterende boliger Lenke til et annet nettsted, åpnes i nytt vindu.

Ovttasbargoveahkkit

Viessobáŋku

Praktihkalaš dieđut

Rávvagat - mo oažžut dahje váldit vuostá bálvalusa

Ohcama galgá čállit HB 7.S.13 skovvái. Skovi oaččut suohkanis dahje njuolggogeainnus dás vuolábealde.

Mielddusat

Mildosiid birra diehtu 8. čuoggás ohcanskovis.

Ášši meannudeapmi

Suohkan háhka daid dieđuid maid dárbbaša vai sáhttá mearridit ášši. Dasto dahkko mearrádus. Dábálaččat čuovvu čilgehus mearrádusa mielde. Čuovvu álo vuođuštus jos sáhttá jáhkkit ahte šattat duhtameahttun mearrádusain. Jos čilgehus ii čuovo, de sáhtát oažžut dan go válddát oktavuođa suohkaniin ovdalgo mearrádusa váidináigemearri dievvá.

Meannudeamiaigi

Ohcamuša galgá suohkan meannudit nu jođánit go vejolaččat. Jus ášši ii sáhte mearriduvvot mánu sisa, de galggat oažžut čálalaš dieđu dan birra ja mii dasa lea sivvan, seammás go oaččut dieđu goas doivot mearrádusa dahkkot.

Nuppenváidahanvuoigatvuohta

Jos leat duhtameahttun mearrádusain, sáhtát váidit ovdal áigemeari, mii lea golbma vahku dan rájes go ožžot mearrádusa. Čilge mainna leat duhtameahttun ja manin don oaivvildat mearrádus berre rievdaduvvot. Ákkastala áinnas ođđa lassi dieđuiguin. Suohkana iežas váiddalávdegoddi lea váiddaásahus.

2020 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 11.05.2020