Hopp til innholdet

Arealoverføring

Kort fortalt

Eig du grunneigedom, anleggseigedom eller registrert jordsameige, og skal overføre areal mellom tilstøytande eigedommar, må du ha løyve frå kommunen. Er arealet over ein viss storleik, blir det kalla arealoverføring. For eit mindre areal vil grensejustering vera tilstrekkeleg.

Beskrivelse

Skal du overføra areal mellom tilstøytande matrikkeleiningar (eigedommar), kan arealoverføring vera ein aktuell prosedyre. Arealoverføring opnar for å overføra større areal mellom to eigedommar enn det som er mogleg i form av ei grensejustering. Ei arealoverføring krev at det er gjennomført ei oppmålingsforretning der grensene for dei aktuelle eigedommane er klarlagde og beskrivne. Derimot slepp du å oppretta eigen grunneigedom, tinglysa skøyte og utføra ei samanslåing av eigedommane. Arealoverføring skal registrerast i matrikkelen (det offisielle registeret i landet over fast eigedom) og kommunen skal sørgja for tinglysing.

Målgruppe

Registrert eigar av grunneigedom, anleggseigedom eller registrert jordsameie.

Kriterier

Kommunen må godkjenna søknaden før oppmålingsforretninga blir gjord.

Pris for tjenesten

Kommunestyret fastset storleiken på gebyret. Gebyret kan ikkje setjast høgare enn det som kjem fram av sjølvkostprinsippet.

Regelverk

Sjå
matrikkellova §§ 9 og 15
plan- og bygningsloven § 20-1
matrikkelforskriften § 33 Arealoverføring

Lover

Forskrifter

Praktiske opplysninger

Saksbehandling

Du søkjer kommunen om arealoverføring. Blir søknaden godkjend, vil kommunen halda ei oppmålingsforretning og føra dei nye grensene inn i matrikkelen. Kommunen vil også tinglysa overføringa his Kartverket.

Saksbehandlingstid

Etter den kommunale godkjenninga skal kommunen ferdigbehandla saka (omfatta å fullføra matrikkelføringa) som hovudregel innan 16 veker, viss ikkje annan frist er avtalt.

Klagemulighet

Klagefristen er tre veker og spring frå det tidspunktet du har fått matrikkelbrevet eller underretning om føringa i matrikkelen. Både heimelshavarar, eigarar og festarar som avgjerda har noko å seia for, kan klaga på arealoverføringa. Du sender klaga til kommunen som også kan gi rettleiing. Held oppe kommunen si avgjerd, blir saka send vidare til statsforvaltaren, som avgjer om klaga skal takast til følgje.


2024 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 18.12.2024

Prisar

§ 5.1 Tidspunkt for gebyrfastsetting og fakturering 

Gebyr blir fakturert ved fullført oppmålingsforretning, og blir rekna etter satsane som gjeld den dagen saka blir fremma for kommunen. Kommunen krev i tillegg dekka naudsynte tinglysingsgebyr og eventuell dokumentavgift. Innbetaling av gebyr kan krevjast før matrikkelføring og tinglysing vert gjennomført. 

§ 5.2 Vinterforskrift 

Den generelle handsamingsfristen på 16 veker for saker etter matrikkelforskriftens § 18 tredje ledd gjeld ikkje i perioden 1. desember – 30. mars. 

§ 5.3 Grunngebyr 

Kommunen fakturerer grunngebyr for alle saker, med mindre denne forskrifta angir noko anna. Grunngebyret skal dekkje dei generelle oppgåvene i sakshandsamingsprosessen som er uavhengig av kompleksitet og storleik på tiltaket, eksempelvis innregistrering av søknad, journalføring, fordeling av sak og arkivering. 

Grunngebyr per søknad er kr 1 320,-

§ 5.4 Avbroten forretning 

Ved avbroten forretning skal rekvirent betale 1/3 av gebyrsatsane. 

§ 5.5 Gebyr for oppmålingsforretningar 

Samla gebyr består av både sakshandsamingsgebyr for kontorarbeid og gebyr ved oppmåling i marka. Dersom saka ikkje krev oppmåling i marka, fakturerast berre sakshandsamingsgebyr.

Gebyr for kontorarbeid 

Gebyret dekker kommunens sakshandsaming i samband med oppmålingsforretning, grensejustering, påvising av grenser, klårlegging av grenser mv., samt registrering i matrikkelen. 

Gebyr for sakshandsamingUtrekningseiningGebyr
Oppretting av grunneigedom og festegrunnPer eigedomKr 26 518,-
Tillegg for oppretting av fleire matrikkeleiningarPer ny matrikkeleiningKr 6 437,-
Oppretting av uteareal på eigarseksjon, inntil to tilleggsdelerPer eigarseksjonKr 15 834,-
Tillegg for fleire tilleggsdeler utover toPer tilleggsdelKr 4 248,-
Oppretting av grunneigedom av heil teigPer eigedomKr 16 220,-
ArealoverføringPer arealoverføringKr 21 369,-
Matrikulering av eksisterande umatrikulert grunnPer timeKr 1 545,-
Registrering av anleggseigedomPer eigedomKr 21 369,-
PunktfestePer punktfesteKr 15 319,-
Oppretting av matrikkeleining utan fullført oppmålingsforretningPer matrikkeleiningKr 29 263,-
GrensejusteringPer grensejusteringKr 14 289,-
Arealoverføring til offentleg vegPer timeKr 1 545,-
Grensepåvisning av tidlegare koordinatfesta grenser. Klarlegging av grense for grunneigedom som ikkje er koordinatfesta i tidlegare forretning, med synlege eller kjente grensepunktPer søknadKr 10 685,-
Klarlegging av grense for grunneigedom som ikkje er koordinatfesta i tidlegare forretning, utan synlege grensepunkt i terrengPer søknad Kr 15 318,-

Gebyr for feltarbeid 

I saker kommunen må ut i marka kjem det oppmøtegebyr og gebyr per grensepunkt, i tillegg til gebyr for kontorarbeidet. Samanfallande grensepunkt telles som eit. 

Gebyr ved oppmåling i markaUtrekningseiningGebyr
OppmøtegebyrPer oppmøteKr 6 674,-
Grensepunkt som vert målt og merka i markaPer grensepunktKr 1 545,-

§ 5.6 Endring av godkjent frådelingsvedtak 

Endring av godkjent frådelingsvedtak.

Ved ynskje om endring som rekvirent legg fram i forkant av oppmålingsforretninga eller på denne og som må godkjennast av planavdelinga kostar kr 6 804,- per endring. 

§ 5.7 Gebyr for anna fakturerbart arbeid 

AnnaUtrekningseiningGebyr
Arbeid med referanse til stadfestingsavtale om eksisterande grense eller stadbunden rett, jf. matrikkelforskrifta § 44Per timeKr 1 545,-
Utarbeiding av matrikkelbrev inntil 10 sider.Per brevKr 175,-
Utarbeiding av matrikkelbrev over 10 sider.Per brevKr 350,-

Gebyrpliktig arbeid etter matrikkellova som ikkje fell inn under andre føresegner i denne forskrifta, vert fakturert etter medgått tid. Timeprisen dekker sakshandsaming, støttefunksjonar og administrasjon. 

Anna fakturerbart arbeid Gebyr per time
Gebyr for medgått tid kontorarbeid.Kr 1 545,-
Gebyr for medgått tid feltarbeid.Kr 1 545,- 

I spesielle saker/atypiske saker kan kommunen på forhånd bestemme at saken vert fakturert etter medgått tid.

Sist oppdatert

Fann du det du leita etter?