Driveplikt på landbrukseigedom - søknad om fritak

Kort fortalt

Eig du ein eigedom med jordbruksareal, har du plikt til å sørgje for at jorda blir driven i heile eigartida, anten sjølv eller til ein som leiger arealet, men du kan søkje om fritak.

Beskrivelse

Er du eigar av ein eigedom med jordbruksareal, har du plikt til å sørgje for at jorda blir driven i heile eigartida. Driveplikta kan oppfyllast ved at du sjølv driv arealet eller leiger bort arealet som tilleggsjord til ein annan landbrukseigedom for minimum ti år om gongen. Dersom du skal leige bort drifta, må du sende leigekontrakten til kommunen. Er du ny eigar, må du innan eitt år ta stilling til om du ønskjer å drive arealet sjølv eller leige det bort. For å få fritak frå driveplikta, må du sende søknad til kommunen. Kommunen kan gi fritak for ei viss tid eller varig. Det kan også stillast vilkår for fritaket.

Målgruppe

Eigarar av jordbruksareal (som omfattar fulldyrka jord, overflatedyrka jord og innmarksbeite)

Kriterier

Kommunen vil leggje vekt på:

• Kor viktig det er å halde jordbruksarealet i hevd
• Arealets storleik og avkastningsevne
• Om det er bruk for jordbruksarealet som tilleggsjord i det området der eigedomen ligg
• Søkjarens livssituasjon

Tilknyttede brosjyrer, dokumenter, kart og lignende

• Melde om utleie av jord Lenke til et annet nettsted, åpnes i nytt vindu.
• Landbruksdirektoratet: Driveplikt og jordleie Lenke til et annet nettsted, åpnes i nytt vindu.

Regelverk

Lover

• Jordlova Lenke til et annet nettsted, åpnes i nytt vindu.
• Forvaltningsloven Lenke til et annet nettsted, åpnes i nytt vindu.

Retningslinjer

• Driveplikt, omdisponering og deling etter jordlova §§ 8, 9 og 12 Lenke til et annet nettsted, åpnes i nytt vindu.

Praktiske opplysninger

Vedlegg

Kart over eigedommen

Saksbehandling

Kommunen skal innhenta dei opplysningane som er nødvendige for å avgjera saka. Du vil få informasjon undervegs, og også rettleiing til å skaffa rette opplysningar, viss du treng det. Deretter fattast det eit vedtak.

Saksbehandlingstid

Kommunen skal behandle saka så snart som mogleg. Viss saka ikkje kan avgjerast innan ein månad, skal du ha skriftleg beskjed om grunnen til dette. Du skal samstundes få opplyst når det er venta at vedtaket blir fatta.

Klagemulighet

Både du som søkjar og andre med rettsleg klageinteresse kan klage viss du eller de er misnøgde med vedtaket. Fristen er tre veker frå vedtaket er teke imot. Forklar kva du er misnøgd med og kvifor du meiner vedtaket bør endrast. Viss du treng rettleiing, kan du vende deg til kommunen. Lèt kommunen avgjerda stå, blir saka sendt vidare til Statsforvaltaren som avgjer om klaga skal takast til følgje.

2024 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 19.12.2024