Hopp til toppmenyen på siden Hopp til hovedinnholdet på siden

Bearašsuodjalankantuvra

Bearašsuodjalankantuvra fállá veahki ja ráđđeaddima go bearrašis leat váttisvuođat dahje lea roasuid siste.

Govvádus

Bearašsuodjalankantuvra fállá veahki ja ráđđeaddima go bearrašis leat váttisvuođat dahje lea roasuid siste. Sáhtát váldit njuolga oktavuođa bearašsuodjalankantuvrrain ja buot bargiin lea jávohisgeatnegasvuohta. Ságastallanterapiija báraide ja bearrašiidda lea dábálaččamus fálaldat.  Bearašsuodjalankantuvra fállá maid gurssaid ja joavkodoaimmaid áigeguovdilis bearaš- ja ovttasássanfáttáin. Bearašsuodjalankantuvra doaimmaha bákkolaš soabaheami

  • go bárra earrána dahje ovttasássit mannaba goabbatsadjái, ja sudnos leat mánát vuollel 16 jagi
  • go váhnemat, geat eaba oro ovttas, gáibideaba dikkis mearriduvvot váhnenovddasvástádusa, máná/mánáid ássanbáikki ja ovttastallama.

Bearašsuodjalankantuvrrat leat juohke fylkkas. Sáhttet leat juogo stáhtalaš dahje girkolaš kantuvrrat, muhto gustojit dat seamma lágat, ja lea Mánáid-, dásseárvo- ja searvadahttindepartemeanta mii dohkkeha daid. 

Bálvalusa haddi

Fálaldat lea nuvttá.

Gihppagat, áššebáhpárat, kárttat ja eará

Ovttasbargit

Bearašsuodjalankantuvra bargá ovttas dearvvašvuođaguovddážiin dan guovllus gos lea, erenoamážit riegádahttimii ráhkkanahtti gurssaid ja  aittošaddan váhnemiid gurssaid, Godt samliv, oktavuođas. Dalle go lea heivvolaš ja go bearaš miehtá dasa, de ovttasbargá bearašsuodjalankantuvra suohkana mánáidsuodjalusain gávdnandihti buriid doaibmabijuid olle bearrašii. Bearašsuodjalankantuvra ovttasbargá maid skuvllaiguin, Sosiálkantuvrrain, eaktodáhtolaš servviiguin, searvegottiiguin jna.

Tenesta oppdatert: 04.05.2020 13:54