Kva er Den kulturelle spaserstokken?
Stord kommune ønskjer at kulturopplevingar skal vera ein del av kvardagen til eldre og personar med bistandsbehov. Gjennom arrangement i Den kulturelle spaserstokken kan denne gruppa få oppleva kunst og kultur på eit høgt profesjonelt nivå fleire gonger i året.
Kven er målgruppa til Spaserstokken?
Tiltaka i Stord kommune rettar seg særskilt mot dei som har vanskar med å sjølve oppsøka kulturelle tilbod, som bebuarar på dei offentlege omsorgsinstitusjonane.
Korleis er Spaserstokken organisert?
Realisering og utvikling av den kulturelle spaserstokken skjer i eit nært samarbeid mellom omsorgssektoren og Eining for kultur. Ein representant frå Eining for kultur er ansvarleg for å koordinera og samarbeider med omsorgstenestene om programinnhaldet. Arrangementa er finansiert av fylkeskommunal tilskotsordning og kommunal finansiering.
Program
Programmet for hausten 2025 vil bli publisert her når det er klart. Under ser du Spaserstokken-programmet for våren 2025.
| Utøvar | Dato | Tid | Stad |
| «Together again» med Berit Håpoldøy og Erlend Stuve | Torsdag 23. januar | Kl. 11.00 | Stord sjukeheim |
| Kl. 13.00 | Blåbygget/ dagtilbod demente | ||
| Kl. 16.00 | Knutsaåsen | ||
| «Rose Rouge» med Brita Grov, Sara Røiseland Torsvik. Danseframsyning | Onsdag 19. februar | Kl. 10.45 | Knutsaåsen |
| Kl. 12.00 | Vestibylen kulturhuset | ||
| «Musikk med mange strengar» med Alise Jonassen, Lena D. Husebø og Jan A. Husebø | Onsdag 12. mars | Kl. 11.00 | Knutsaåsen |
| Kl. 12.30 | Dagtilbod demente | ||
| Kl. 16.00 | Stord sjukeheim | ||
| «Bli med opp på loftet» med Charlotte Tvedte, Sunnhordland museum | Onsdag 9. april | Kl. 10.45 | Buneset |
| Torsdag 10. april | Kl. 10.45 | Knutsaåsen | |
| Onsdag 23. april | Kl. 12.30 | Leirvikstove | |
| Torsdag 24.april | Kl. 12.00 | Stord sjukeheim | |
| Vår + 17. mai-program med Tone Heide og Ragnhild Nesse | Onsdag 14. mai | Kl. 11.00 | Stord sjukeheim |
| Tre på tur med Jarle Kristoffersen, Irene Simonsen, Elin Sofia Lotsberga | Måndag 23. juni | Kl. 11.00 | Knutsaåsen |
| Kl. 14.30 | Stord sjukeheim |
Ønskjer du å vera utøvar i Spaserstokken?
Profesjonelle utøvarar kan levera kunstnarlege tilbod til Den kulturelle spaserstokken i Stord kommune via skjema under. Tilboda vil bli vurderte fortløpande.
Skjema for tilbod til Den kulturelle spaserstokken i Stord kommune.
