Teaterfestivalen 2023 vil bli arrangert 24. - 25. mars i Stord kulturhus. 

Teaterfestivalen er ein viktig samlingsstad for barn og unge innan scenekunst i Vestland og Rogaland. Rundt 200 unge deltakarar viser teaterframsyningar for kvarandre og deltek på workshop i løpet av ei tettpakka festivalhelg. Vestland fylke er økonomisk støttespelar for denne festivalen som blir arrangert av Stord teaterlag og Stord kommune.

Med lokal forankring og gode samarbeidspartar har ein sidan 1985 klart å byggja opp ein møteplass for teaterfolk der spelegleda alltid er i fokus! Ikkje minst er dette ein stad der alle som ynskjer det kan få stå på scena og vera ein del av det unike fellesskapet ein teaterproduksjon er.

Sjå programmet for 2023

Påmeldingskjema.

Frist for påmelding: 10. februar 2024.

Hovedprogrammet til Teaterfestivalen er på laurdagen - då er det framsyningar frå føremiddag og til utpå kvelden. Festivalen startar fredag kveld med arrangement (konsert, framsyning, kino e.l.), og blir utvida til søndag føremiddag om det er behov for det. I 2019 var det 15 teaterframsyningar, så då var det framsyningar heile helga - frå fredag til sundag. Omfanget av festivalen blir bestemt når påmeldingsfristen er ute. Bruk påmeldingsskjema som ligg over.

Merk at detaljerte skjema (deltakarskjema og tekniske skjema) vil bli sendt ut før festivalen, og at desse må fyllast ut for å kunna delta.

Alle opne teatergrupper med utøvande deltakarar i alderen 7 til 20 år kan delta.

• Stykket må vera premiereklart når det kjem til festivalen (eller de kan visa utdrag).
• Scenografien skal vera festivalvenleg (raske sceneskift).
• Speletid 20 - 90 minutt 
• Kort riggetid 10 - 15 minutt (maks 15 minutt opprigg, 10 minutt nedrigg) - de får riggehjelp på scena om de har behov for det.

• Ei helg (To eller tre dagar) fullstappa av teaterstykker og ulike sosiale aktivitetar
• Konsert, disco og teaterverkstadar/ workshops
• Stor og god teaterscene
• Erfarne, dyktige og kjekke teater- og dugnadsfolk
• Hyggjelege og flinke teknikarar
• Måltid heile helga og overnatting på sentral skule med vakthald
• Og sjølvsagt, minner for livet!

Prisar 2023
Omfanget til festivalen blir bestemt når påmeldingsfristen er gått ut den 15. februar. Prisane under vil vera gjeldande for 2023.

Alternativ 1
Ei overnatting (fredag til laurdag)

• Festivalpass med overnatting på skule 650,-
  Inkluderer 1 overnatting, måltid, framsyningar, aktivitetar og workshop fredag til laurdag kveld.
• Festivalpass for deltakar som ordnar eigen overnatting 500,-
  Inkluderer måltid, framsyningar, aktivitetar og workshop fredag til laurdag kveld.

Alternativ 2
To overnattingar (fredag til søndag)

• Festivalpass med overnatting på skule 900,-
  Inkluderer 2 overnattingar, alle måltid, framsyningar, aktivitetar og workshop heile helga.
• Festivalpass for deltakar som ordnar eigen overnatting 750,-
  Inkluderer alle måltid, framsyningar, aktivitetar og workshop heile helga.

FRIKVOTE: Vaksne gruppeleiarar og frivillige har gratis deltaking
(Maks 5 vaksne for grupper inntil 25 unge deltakarar, 10 vaksne for grupper inntil 50 unge deltakarar osv.)

Påmeldingsskjema 2023.

Dei påmeldte gruppene som var med på festivalen i 2019 med 15 ulike teaterstykke. Teaterfestivalen 2020-2022 blei avlyst grunna koronasituasjonen.

-Askøy ungdomslag
-Global teater (Bergen kulturskole)
-Haugatun 2 & 3 (Bergen kulturskole)
-Haugesundscenen
-Ny Krohnborg (Bergen kulturskole)
-Skranevatnet ungdomsgruppe (Bergen kulturskole)
-Soria Moria
-Spinae Company
-Stord kulturskule
-Stord teaterlag
-Suldal kulturskule
-Åsatun 2 & 3 (Bergen kulturskole)