Hopp til hovedmenyen på siden Hopp til hovedinnholdet på siden

Viktig informasjon

Korona   Koronavirus illustrasjon                Ukraina og Stord   Ukrainsk flagg

A A A

Osku- ja eallinoaidnosearvegottit - doarjja

Registrerejuvvon osku- ja eallinoaidnosearvegottit sáhttet gáibidit stádas ja suohkanis ruhtadoarjaga.

Govvádus

Registrerejuvvon osku- ja eallinoaidnosearvegottit sáhttet gáibidit stádas ja suohkanis ruhtadoarjaga. Suohkana doarjja rehkenastojuvvo dan vuođul man olu suohkana bušeahtas lea várrejuvvon Norgga Girkui, juhkkojuvvon stádagirkomiellahtuid vuođul. Ohcamuš suohkanii ja stádii sáddejuvvoba ovttas.

Ulbmiljoavku

Osku- ja eallinoaidnosearvegottit

Kriterat/eavttut

Jus galgá oažžut suohkanis doarjaga, de ferte osku- ja eallinoaidnosearvegoddi leat vuoigaduvvon oažžut stádalaš doarjaga. Lea Fylkkamánni guhte mearrida leago osku- ja eallinoaidnosearvegottis vuoigatvuohta oažžut stáda doarjaga. Doarjaga sáhttá ohcat dušše daid miellahtuid ovddas geat eai gula Norgga girkui dahje eará osku- ja eallinoaidnosearvegoddái mat ovdalaččas ožžot doarjaga. Doarjja galgá mannat religiovnnalaš doaimmaide. Eallinoaidnosearvegottiid doarjja galgá mannat doaimmaide mat gullet eallinoaidnosearvegotti doaimmaid vuollai.

Gihppagat, áššebáhpárat, kárttat ja eará

Bagadus - mo čađahit dahje oažžut bálvalusa

Osku- ja eallinoaidnosearvegotti jođihanorgána sádde čálalaš ohcama.

Mildosat

  • Organisašuvdnanummir ovttadatregistaris (eanet dieđuid oaččut Brønnøysund-registeris, tlf.: 75 00 75 00)
  • Mannan jagi rehketdoallu ja jahkedieđáhus
  • Listu mas lea buot miellahtuid riegádannummár geaid ovddas sáhttá oažžut doarjaga. Searvegottiin main leat eambbogo 100 miellahtu, galgá dát listu leat digitálalaččat diskeahtas dahje CD:s

Áššemeannudeapmi

Fylkkamánnii sádde miellahttolistu aktan riegádannummáriiguin Brønnøysund-registarii. Brønnøysund-registaris isket buot riegádannummáriid álbmotregistera vuostá. Addo doarjja dušše daid miellahtuid ovddas geain lea dohkálaš riegádannummár.

Váidalanvejolašvuohta

Organisašuvdna sáhttá váidit mearrádusa áigemeari siskkobealde mii lea golbma vahku dan rájes go ožžo mearrádusa. Váidda sáddejuvvo dan ásahussii mii lea mearridan ášši. Váidagis galgá boahtit ovdan maid háliidit rievdadit mearrádusas ja ákkastallat dan. Suohkan sáhttá bagadallat. Fylkkamánni meannuda váiddaáššiid mat gusket suohkana mearrádusaide doarjjaáššiin. Ovdal go váidda sáddejuvvo dohko, de galgá dat instánsa mii lea mearridan ášši, árvvoštallat leago ágga rievdadit mearrádusa. Jus mearrádus doalahuvvo, de galgá ášši sáddejuvvot Fylkkamánnii.

Tenesta oppdatert: 13.05.2020 09:28

Skjema

Dokumenter