Hopp til hovedmenyen på siden Hopp til hovedinnholdet på siden

Viktig informasjon

Korona   Koronavirus illustrasjon                Ukraina og Stord   Ukrainsk flagg

A A A

Tolk i helsetenesta

Buohkain geain ii leat nu nanu dárogielmáhttu, lea riekti oažžut dulkka go ožžot dearvvašvuođabálvalusaid.

Govvádus

Buohkain geain ii leat nu nanu dárogielmáhttu, lea riekti oažžut dulkka go ožžot dearvvašvuođabálvalusaid. Buorre gulahallan ja diehtojuohkin gaskal pasieanta ja dearvvašvuođabargiid lea buot dehálaččamus jus galgá oažžut dásseárvosaš fálaldaga dearvvašvuođabálvalusain buori kvalitehtain. Dearvvašvuođabargit fertejit muhtomin heivehit diehtojuohkima ja gulahallama jus galget sáhttit fállat dohkálaš divššu. Lea du riekti oažžut buori diehtojuohkima dearvvašvuođa ja divššodeami birra dan gillii maid don ipmirdat. Sáhttá čuohcat sihke heggii ja dearvvašvuhtii jus dearvvašvuođabargit ja pasieanta eaba gulahala. Lea dearvvašvuođabargiid ovddasvástádus árvvoštallat lea go dárbu dulkii ja háhkat gelbbolaš dulkka.

Ulbmiljoavku

Pasieanttat ja geavaheaddjit geain lea unnán dárogielmáhttu, sámegielagat, bealjeheamit, lossaguluhat ja bealjehisčalmmeheamit.

Bálvalusa haddi

Dulkonbálvalus lea oassi dearvvašvuođabálvalusas ja nuvttá pasieanttaide/geavaheddjiide.

Gihppagat, áššebáhpárat, kárttat ja eará

Ovttasbargit

  • Dearvvašvuođadirektoráhtta,  minoritehtadearvvašvuođa ja veajuiduhttima ossodat.
  • Searvadahttin ja girjáivuođadirektoráhtta –  Dulkonportála ja Našuvnnalaš dulkaregisttar. (Dárrui: Integrerings- og mangfoldsdirektoratet (IMDI) Tolkeportalen ja Nasjonalt tolkeregister)

Bagadus - mo čađahit dahje oažžut bálvalusa

Čuojat dan dearvvašvuođabálvalussii gos dus lea diibmu (fástadoavttir, dearvvašvuođaguovddáš, psykologa dehe eará) ja bivdde sin diŋgot dulkka. Muital dearvvašvuođabálvalussii makkár giela humat. Dearvvašvuođabálvalus lea geatnegahtton gávdnat dulkka. Lea dušše gelbbolaš dulka mii galgá dulkot.

Váidalanvejolašvuohta

Dohkketmeahttun láhttenvuohki dulkka bealis sáhttá leat ovdamearkka dihte váilevaš dehege boastut dolkon, jávohisgeatnegasvuođa rihkkun, go dulka seaguha iežas goappáge beali ovddas ságastallamiidda, dehege eará mii guoská dulkka meannudeapmái dulkoma oktavuođas. Našuvnnalaš dulkaregisttar ii sáhte dáhkidit kvalitehta dulkomiin maid sin registara dulkkat dahket, muhto áiggoše dieđuid dan birra ruovttoluotta geavaheddjiin. Jus don vásihat ahte dulka mii lea Našuvnnalaš dulkaregistaris ii doaimmat barggustis njuolggadusaid mielde mat gustojit buori dulkomii, de sáhtát sáddet dieđu reivve bokte dan birra registarii. Reivvet main ii boađe ovdan gii lea sádden, eai meannuduvvo.

Sáhtát čállit reivve deike: Nasjonalt tolkeregister, postboks 8059 Dep., 0031 Oslo, dehe ntreg@tolkeportalen.no

Jus áiggut váidit ahte it leat ožžon dulkka dearvvašvuođabálvalusas, de sáhtát gávdnat rievttes váiddainstánsa oktavuođadieđuid gihppagis «Pasient og tolk».

Tenesta oppdatert: 11.05.2020 09:15

Eining

Skjema

Dokumenter