Hopp til hovedmenyen på siden Hopp til hovedinnholdet på siden

Viktig informasjon

Korona   Koronavirus illustrasjon                Ukraina og Stord   Ukrainsk flagg

A A A

Árvosánit – váidinvejolašvuohta

Don sáhtát váidit buot árvosániid mat galget čuožžut du oahppaduođaštusas.

Govvádus

Don sáhtát váidit buot árvosániid mat galget čuožžut du oahppaduođaštusas.

Dát gusket:

  • vuođđoárvosániide
  • eksámenarvosániide
  • fága- ja sváinnasgeahččaleami ja gelbbolašvuođageahččaleami árvosániide
  • čorgatvuođa ja meanuide guoskevaš árvosániide


Sáhtát maid váidit reálagelbbolašvuođa árvvoštallama.

Áigemearri váidit eksámenárvosániid ja vuođđoárvosániid lea logi beaivvi. Áigemearri váidit fága- ja sváinnasgeahččaleami ja reálagelbbolašvuođa árvvoštallama lea golbma vahku. Áigemeari siskkobealde sáhtát gáibidit čilgehusa daid fágaid árvosániin maid leat ožžon njálmmálaš eksámenis, main vuođđoárvosátni lea biddjon dahje maid praktihkalaš eksámenis leat ožžon. Čálalaš eksámena árvosániin it sáhte gáibidit čilgehusa.

Ulbmiljoavku

  • Oahppit, oahpahallit, privatistat ja praksiskandidáhtat (dahje son geasa leat addán čálalaš doaimmahanválddi.
  • Uminddet ohppiid, oahpahalliid ja privatisttaid váhnemiin lea iehčanas váidinvuoigatvuohta

Kriterat/eavttut

Oahppit geat leat vuollel 15 jagi eai sáhte váidit jus ii leat čálalaš duođaštus váhnemiin.

Bagadus - mo čađahit dahje oažžut bálvalusa

Váidda galgá leat čálalaš. Galgá vuolláičállojuvvot das gii váidala dahje das geasa leat addán doaimmahanválddi. Čujut dan mearrádussii maid áiggut váidit. Berret vuođuštit váidaga, muhto dan it dárbbat jus lea sáhka čálalaš eksámenárvosánis. Váidaga sáddet dan skuvlii gos don leat oahppi. Jus leat privatista, de sáddet váidaga dan skuvlii gos eksámen lágiduvvui. Fága- ja sváinnasgeahččaleami váidaga sáddet iežat fylkka fidnooahpahuslávdegoddái.

Áššemeannudeapmi

Váiddameannudeami boađus sáhttá leat ahte árvosátni čuožžu, šaddá buoret dahje heajut. Earenoamáš njálmmálaš eksámenis lea ahte jus du váidalus vuhtiiváldojuvvo de galgá árvosátni sihkkojuvvot ja dus lea riekti váldit ođđa eksámena.

Áššemeannudanáigi

Skuvla/váidalanásahus galgá meannudit ášši nu jođánit go vejolaš. Jus váidalusa ii sáhte mearridit mánu sisa, de galggat oažžut čálalaš čilgehusa dan ákkas. Galggat seammás oažžut dieđu das goas mearrádus vurdo dáhkkot áššis.

Tenesta oppdatert: 05.05.2020 16:11