Offentleg ettersyn

På bakgrunn av kommunestyre sitt vedtak om utskriving av eigedomsskatt og med heimel i eigedomsskattelova § 15 vert eigedomsskattelista lagt ut til offentleg ettersyn. Merknadsfrist er 12. april 2025.

Listene vert lagt ut i fire veker, frå 1.3.2025 til 1.4.2025 og vert å finna på nettsida vår og i papir på fellestenester i rådhuset på Stord.

Listene inneheld dei skattepliktige eigedommane i Stord kommune og dei som er fritekne for eigedomsskatt.

No har alle eigedomar i Stord kommune fått ny takst som skal gjelda frå 1. januar 2025. Kommunestyret har vedteke at det skal skrivast ut eigedomsskatt på alle faste eigedomar i kommunen. Heimel for dette er eigedomsskattelova § 3 bokstav a.

Ved utskriving av skatt på bustadeigedomar nyttar kommunen skatteetaten sitt formuegrunnlag for dei bustader kor dette er berekna. 

Klage

For å klaga på eigedomsskatten må du først finna ut om du har skattetakst basert på bustadverdi frå Skatteetaten eller kommunal takst. Dette finn du ut på den elektroniske informasjonen me sender ut før 1. mars i år. Dei fleste privatbustader har bustadverdi frå Skatteetaten medan næringseigedomar og fritidseigedomar har kommunal takst.

Klage på kommunal takst

Klagen skal vera skriftleg, grunngjeven og innehalda gnr. /bnr. og sendast til:

Stord kommune
eigedomsskattekontoret
Postboks 304 
5402 Stord 

Eller på e-post: post@stord.kommune.no 

Klageskjema finn du under "skjema" lenger nede på sida.

Klage på bustadverdi frå Skatteetaten 

Vil du klaga på bustadverdien, må du senda klagen til Skatteetaten: Endra grunnlaget for utrekning av eigedomsskatt

Dersom det vert gjort endring hos Skatteetaten får kommunen tilsendt informasjon om dette frå Skatteetaten.

Eigedomar til stiftingar eller institusjonar som tar sikte på å gagne kommunen, fylket eller staten, og bygningar som har historisk verdi, vil kunne søkja om fritak heilt eller delvis etter §§ 7a/7b i eigedomsskattelova. Søknadsskjema er å finna på kommunen si heimeside. Frist for søknad om fritak for i år er 31. mai.

Informasjonsmøte

Dersom du har spørsmål rundt taksering av eigedomar er me å treffa på biblioteket (Stord kulturhus) på følgjande datoar: 

  • 6. februar 20205 kl. 15-17 og 
  • 11. februar 2025 kl. 15-17