Hopp til hovedmenyen på siden Hopp til hovedinnholdet på siden

Viktig informasjon

Korona   Koronavirus illustrasjon                Ukraina og Stord   Ukrainsk flagg

A A A

Fuolahusásodagat

Fuolahusásodat lea ásodat mii lea heivehuvvon doaibmavádjigiidda ja heivehuvvon nu ahte ássi galgá sáhttit oažžut birra jándora fuolahusa dárbbu mielde.

Govvádus

Fuolahusásodat lea ásodat mii lea heivehuvvon doaibmavádjigiidda ja heivehuvvon nu ahte ássi galgá sáhttit oažžut birra jándora fuolahusa dárbbu mielde. Ásodat lea ássi iežas ruoktu. Ássi máksá viessoláiggu ja oažžu seammalágán ruovttubálvalusaid go earát geat orrot ruovttuin.

Ulbmiljoavku

Boarrásat, buohccit, doaibmavádjigat ja earát

Kriterat/eavttut

Suohkan juolluda fuolahusásodaga njuolggadusaid mielde.

Lover

Dát ii leat láhkageatnegas bálvalus. Orrun fuolahusásodagas biddjo viessoláigošiehtadusa mielde, gč. viessoláigolága. Fuolahusásodaga juohkin mearriduvvo ovttaskas olbmo mielde daiguin vuoigatvuođaiguin ja geatnegasvuođaiguin mat čuvvot hálddahuslága.

Husleieloven
Forvaltningsloven
Verdighetsgarantiforskriften

Bagadus - mo čađahit dahje oažžut bálvalusa

Sáhtát váldit oktavuođa suohkaniin oažžun dihte veahki ohcat fuolahusásodaga, dahje sáhtát earáin bivdit veahki jus dan dárbbahat. Jus soames eará ohca du ovddas, de ferte sus leat fápmudus dasa.

Áššemeannudeapmi

Suohkan galgá viežžat dárbbašlaš dieđuid vai sáhttá mearridit ášši. Dasto dahkko mearrádus. Dábálaččat oaččut ákkastallama oktan mearrádusain. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallan ii čuovo mielde, de sáhtát oažžut dan go válddat oktavuođa suohkaniin ovdal váidináigemeari.

Áššemeannudanáigi

Suohkan galgá meannudit ášši nu jođánit go vejolaš. Jus ášši ii sáhte mearriduvvot mánu sisa, de galggat oažžut čálalaš dieđu oktan ákkastallamiin dan birra. Galggat maid oažžut dieđihuvvot goas vurdo ahte ášši mearriduvvo.

Váidalanvejolašvuohta

Jus it leat duhtavaš mearrádusain, de sáhtát váidit suohkanii áigemeari siskkobealde, mii lea golbma vahku dan rájes go ožžot mearrádusa. Čilge mainna it leat duhtavaš ja manne oaivvildat ahte ferte rievdadit mearrádusa. Jus dárbbahat bagadallama, de váldde suohkaniin oktavuođa. Jus suohkan doalaha mearrádusas, de sáddejuvvo ášši viidáseappot suohkana váiddalávdegoddái, mii mearrida galgágo váidaga váldit vuhtii.

Tenesta oppdatert: 08.05.2020 15:33