Hopp til hovedmenyen på siden Hopp til hovedinnholdet på siden

Viktig informasjon

Korona   Koronavirus illustrasjon                Ukraina og Stord   Ukrainsk flagg

A A A

Teknihkalaš veahkkeneavvut – luoikkaheapmi

Jus leat doaimmashehttejuvvon dahje lea čuohpaduvvon, roasmmehuvvan dahje buohcame, de sáhtát luoikkahit teknihkalaš veahkkeneavvuid.

Govvádus

Jus leat doaimmashehttejuvvon dahje lea čuohpaduvvon, roasmmehuvvan dahje buohcame, de sáhtát luoikkahit teknihkalaš veahkkeneavvuid. Veahkkeneavvut geahpedit árgabeaivvi sis geat daid dárbbašit, ja daid sáhttá luoikkahit juogo oanehit dahje guhkit áiggi badjel.

Kriterat/eavttut

Dus lea hedjonan doaibmannákca, juogo oanehit dahje guhkit áigodaga badjel.

Bálvalusa haddi

Veahkkeneavvut guhkit áigái (badjel guokte jagi) gokčojuvvojit álbmotoaju bokte. Suohkan gokčá luoikkaheami oanehit áiggi ovddas.

Ovttasbargit

Nav:a Veahkkeneavvoguovddáš guđege fylkkas

Bagadus - mo čađahit dahje oažžut bálvalusa

Lea suohkan mii galgá váldit dutnje oktavuođa go dárbbašat teknihkalaš veahkkeneavvuid. Oahpaheami mo geavaha veahkkeneavvuid, oktiibidjama ja dárbbu mielde divodeami doaimmaha dábálaččat suohkan. Daid veahkkeneavvuid ovddas maid luoikkaha guhkit áiggi badjel, sádde suohkan ohcamuša Nav:a Veahkkeneavvoguovddážii fylkkas.

Áššemeannudeapmi

Suohkan kárte du veahkkedárbbuid. Dábálaččat finadit du guossis. Mii guoská veahkeneavvuide guhkit áigge atnui, mearriduvvo dát álbmotoadjolága mielde. Mearrádusas boahtá ovdan leatgo ožžon bálvalusa vai it. Jus du ohcan hilgojuvvo, de galggat oažžut ákkastallama biehttaleami mielde

Áššemeannudanáigi

Suohkan/Nav:a Veahkkeneavvoguovddáš galgá meannudit ohcama nu jođánit go vejolaš. Jus ášši ii sáhte mearriduvvon mánu sisa, de galggat oažžut čálalaččat dieđu dan birra, ja mii dasa lea sivvan. Galggat oažžut maid dieđu goas doivot mearridit ášši.

Váidalanvejolašvuohta

Jus leat mearridan ahte it galgga oažžut luoikkahit teknihkalaš veahkkeneavvuid guhkit áiggi badjel, de sáhtát váidit guđa vahku sisa, mii lea áigemearri dan rájes go leat ožžon mearrádusa. Váidaga sáddet Nav Veahkkeneavvoguovddážii du fylkkas. Váidagis fertet čilget manne don oaivvildat ahte mearrádusa ferte rievdadit. Jus Veahkkeneavvoguovddáš doala mearrádusas, de sáddejuvvo ášši viidáset Nav:a Váiddaovttadahkii, mii mearrida galgá go váldit váidaga vuhtii.

Tenesta oppdatert: 14.12.2020 13:32